"Шинчымаш кугорнышто" рубрик, 2014 ий, Пургыж тылзын 14-ше кечыже

Науко фестиваль почылтын

Статьян авторжо Анастасия Эманова

8 февральыште Поволжский кугыжаныш технологический университетыште Марий Элыште нылымше науко фестиваль торжественно почылтын.

Фестиваль науки (ПГТУ-н сайтше гыч налме фото)Мероприятийын организаторжо-влак – Марий Эл Республик Правительстве ден республикысе образований да науко министерстве.

Фестивальым почмаште Марий Эл Республикым вуйлатыше Л.И.Маркелов лийын. Тудо вузлаште туныктымо пашам вияным ышташ ойлен. Республик кажне ийын вияҥеш, у предприятий-влак шочыт, а тушко самырык специалист-влак кӱлыт. Лачак тыгай специалист-шамычым республикысе вузлаште ямдылышаш улыт.  Образований да науко министр Г.Н.Швецова тиддене келшен да вуз, школ ден производство кокласе кыл пеҥгыдеммым палемден.

Тыгай фестиваль самырык еҥ коклаште патриотизм шӱлышым луктеш. РФ-се образований да науко министерствын эртарыме мониторин почеш, ПГТУ, МарГУ да МОСИ эффективный вузлан шотлалтыт.

Тушто тунемше-влак науко дене пеҥгыде кылым кучат. Эн сай инновационный проектым возышо  студент да аспирант-влак «УМНИК» федеральный конкурсышто участвоватлат. Сеҥышылан изи предприятийым вияҥден колташ полшымо фонд научно-технический аланыште шымлыме сайын мучашлаш 400 тӱжем теҥге грантым кучыкта. Тачылан ПГТУ гыч 170 тунемше ты конкурсышто сеҥен. Тидлан кӧра Поволжский кугыжаныш университет Российын 10 вӱдышӧ вуз коклашкыже пура. Тыгак ты вуз пелен 24 изи инновационный предприятий почылтын. Кызыт Швецийыште ПГТУ-н докторанткыже А.Коптина научный стажировкым эрта.

Науко фестиваль шыже марте шуйна.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: