"Кузе илет, эрвел марий?" рубрик, 2014 ий, Ӱярня тылзын 14-ше кечыже

Имне — кугу полышкалыше

Статьян авторжо Ирина Степанова

Пошкырт кундемыште шукын имньым ончат. Тудо суртышто кугу полышкалыше.  Имне дене шудым, пуым кондет, терысым кышкет.

ЭрвелТеве Мишкан районысо Тӧҥгак ял гыч Виль Ябердин ынде 10 ий имньым онча. Виль Аплекаевич ӱмыр мучкыжо Мичурин колхозышто пашам ыштен. Трактористат, комбайнерат лийын. Фермыштат вольыкым ончен, кочегаркымат олтен. Сайын пашам ыштымыжлан тудым шуко гана почетан грамот да путевко дене наградитленыт. Тыге тудо Алма-Атам, Ташкентым, эсогыл Германийым ужын толын.

Таче тудо Нюра пелашыж дене Тӧҥгакын корно воктене шинчыше ик изуремыштыже ила. Ик уремлан лач ик пӧртыштӧ веле кажне кастене тул чӱкталтеш. Тыгеже тыште кум пӧрт шинча. Иктыж гыч шоҥго ковай вес ялышке илаш куснен, весыштыже кеҥежым веле илат. Вате-марий имне деч посна ушкалым, шорыкым ашнат. Вич икшывышт чыланат тӱрлӧ вере шаланен илат. Кажне кеҥежым ача-ава деке унала толыт. Тунам В.Ябердин нуным шоссе марте имне дене вашлияш лектеш да ужата.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: