"Кузе илет, эрвел марий?" рубрик, 2014 ий, Ӱярня тылзын 14-ше кечыже

Тӱвыра поянлыкышт дене кугешнен кертыт

Статьян авторжо Ирина Степанова

Мишкан районышто тӱвыра илыш пучымышла шолеш. Тыште Мишкан селаште районысо тӱвыра полат, яллаште 44 клуб пашам ыштат. Тӱҥ библиотечный системе пеш поян. Мишканыште рӱдӧ район библиотек, районысо йоча да краеведений библиотек-влак деч посна яллаште 29 библиотек уло. Мишкан села ден кугу Соказаште йоча сымыктыш школ-влак пашам ыштат.

ПошкыртКажныж нерген поро шомакым гына ойлыман, кажныштыже тыршен пашам ыштат. Таче мутнам Мишкан РДК нерген луктына. Тудым илыш дене тӧр ошкылшо пӧръеҥ, РБ культурын сулло пашаеҥже В.А.Апсаликов вуйлата. Тыште могай гына коллектив уке! ӧрат да куанет: мурышо да куштышо «Эрвел» ансамбль, «У илыш» калыкт театр, калык семӱзгар-влак ансамбль, тӱвыра пашеҥ-влакын хорышт, йоча-шамычын «Ладушки» ансамбльышт, «Мишкан сем» мурышо калык коллектив.

«Тений Россий мучко Тӱвыран идалыкше эрта. Мемнан Пошкырт кундемыште тудым оҥайын палемдена. Кажне район эстафете семын пошкудо районлан сапым кучыкта. Теве 11 мартыште мемнан районыш пошкудо Караидель район гыч кугу делегаций тольо. Нунын да мемнан коллектив-влак пырля калыклан чапле концертым ончыктышт. 14 мартыште ме эстафетым Балтач районыш пуэна. Тушко шкенан кундем гыч эн чапле коллектив-влакым наҥгаена. Тидлан район мучко кажне ялыште смотр-конкурсым увертаренна. Кажне клуб тушко ушнен. Эн сайын выступатылше-влак Балтач районышто мастарлыкыштым ончыкташ тӱҥалыт, — палемдыш В.А.Апсаликов да ешарыш: –Яллаште 200 деч шукырак е

ила гын, клубым огына петыре».

Верысе РДК-се пашаеҥ-влакын ӧпкеленрак ойлымо шомакышт чоныш логале да шонаш таратыш: «Ме тыште шкенан артистна-влак деч кугу качествым йодына, калыкым ондалаш ок лий, калыкым сай искусствылан, кӱкшӧ культурылан туныктыман манын ойлена. А мемнан деке южгунам Марий Эл гыч тугай лушкыдо концерт-влакым кондат – ончыметат ок шу. Мишкан марий-влаклан тидыжат йӧра маныт ала-мо? Садлан калыкат шагал погына». Мый тиде шонымаш дене тӱрыс келшем, вет тамле киндым кочкын тунемше еҥын кошкышо курикам кочмыжо пеша кок шу. Ойлымыдам шотыш налаш тыршена.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: