"Илыш мундыра" рубрик, 2014 ий, Вӱдшор тылзын 14-ше кечыже

Демографий сӱрет саемын

Статьян авторжо Анастасия Эманова

Иктаж 6-7 ий ончыч тӱрлӧ газетыште Российыште тургыжландарыше демографий ситуаций нерген статья-влакым возымо. Тидым тӧрлаташ манын, кугыжаныш тӱрлӧ проектым ямдылен. Эн ончыч самырык ешлан полшаш лийын. Тыге ава капитал программе илышыш шыҥдаралтме дене аза шукырак шочаш тӱҥалын. Марий Эл Республикыштат ты шотышто ситуаций кажне ийын саемеш.  

ӱмаште 10 100 аза шочын, эн шуко – 3590 – Йошкар-Олаште. 2012 ий дене таҥастарымаште тидыже 2,59 процентлан шукырак. Маристатын данныйже почеш, тений январь-февральыште 1676 йоча шочын.

2013 ийыште 9485 еҥ колен, 2012 ий дене таҥастарымаште 7,88 процентлан шукырак. 2014 ий январь-февральыште 1551 еҥ илыш дене чеверласен. Тӱҥ амалже –  вӱргорно системын удан пашам ыштымыже, аяргымаш, нелын сусыргымаш да черланымаш, суицид да пуштмаш. Пытартыш жапыште кочывӱд дене аяргыше да ДТП-ыште колымо шукемын.

Ӱмаште январь-декабрьыште 5473 ешым регистрироватлыме, тыгодым 2942 еш ойырлен. Тений январьыште 266 еш шочын, а 299  — ойырлен. Ӱмашсе январь дене таҥастараш гын, тений ешым 0,8 процентлан  шукырак чумыреныт да 27,2 процентлан шукырак ойырленыт.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: