"Сылнылык тӱня" рубрик, 2014 ий, Ага тылзын 30-шо кечыже

Усталыкын тӱрлӧ шӧрынжӧ

Статьян авторжо Анастасия Эманова

28 майыште Йошкар-Оласе изосымыктыш тоштерыште Ю.Смирнован «Смирнова Юлия. Грани творчества» персональный выставкыже почылтын.

Йошкар-Ола гыч художница Юлия СмирноваСамырык художнице Йошкар-Олаште шочын-кушкын. 2005 ийыште художественный училищысе «живопись» пӧлкам тунем пытарен, а 2011 ийыште — Чуваш кугыжаныш педагогике университетысе художественно-графический факультетым «керамика» специальность дене.

Ю.Смирнова Йошкар-Оласе 1-ше №-ан йоча художественный школышто туныкта. Ятыр наградыже уло. 2008 ийыште «Архиперспектива» Российысе конкурс-выставкыште пашаже-влакым ончыктен, а 2012 ийыште Латвийысе Звартаве олаште керамике дене тӱнямбал симпозиумышто участвоватлен.

Икымше персональный выставкыже – «Поэзия души» — 2006 ийыште Чуваш кугыжаныш художественный тоштерын кызытсе искусство рӱдерыштыже эртен.

Ю.Смирнова изосымыктышын тӱрлӧ видшым шымла. Садлан «Грани творчества» выставкыштыже тӱрлӧ сынан паша-влакым ужаш лиеш: живопись, керамике да фотографий. Сылне панно, скульптур, тыгыде пластике, натюрморт шинчам куандарат. Фотографийже-влак поснак ойыртемалтыт. Нуным автор тӱрлӧ техникым кучылтын ыштен.

Юлия Смирнован "Похищение Европы"

Юлия Смирнован "Колызо-влак" пашаже

Художнице пашаштыже марий мифологийысе да «Калевала» карело-финский эпосысо образ-влакым ончыкта.

Выставке 28 июнь марте шуйна.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: