"Ӱшанем... Вучем..." рубрик, 2014 ий, Шыжа тылзын 31-ше кечыже

Мый шортын лудынам

Статьян авторжо Эльвира Терентьева

Нойышо, шоҥгемаш тӱҥалше Ава туманлымаш деч тул семынак лӱдеш. Пӱгырна да эре ала-кӧлан иктаж-мом да полшаш куржеш. Тудо вашлияш да ужаташ эре ямде. Мемнан нерген утыждене шуко пален налаш шонымыжо, тӱрлӧ нерген йодыштымыжо южгунам шыдештара. Тудым уныкаже-влак обижатлат, а шочшыжо-шамыч “Омсам петыре!” манын кычкырал колтат. Тудо чыла вере шуаш тыршымыж дене чылаштлан мешая. Эн пытартыш малаш возеш да эр эрдене кынелеш. Чыла мӧҥгысӧ пашам шкежак шукташ тӧча, тургыжлана, чыла решатла да ой-каҥашым пуа. Постым кучымо шотышто шке рецептшым тушка. Тудлан “автомат” машина сайын огеш муш – шке мушкеда. Чыла книга ден конспектым вес верыш кораҥден опта. Южгунамже еҥ дене кутырымо годым кӱлеш-оккӱл шомак-влакым пуртен колта. Вараш кодын толат гын, тургыжлана. Юмо нерген мутланымашым тарвата! Библийым туге серьёзнын лаштыкла, а черкышкыже икмыняр жап веле коштеш… Но кече шуын, пӧртыштӧ шып лие. Тунам тудым эмлымверышке наҥгайышт. Мушкындеш рокым кучен, мландеш кышкымышт годым чыланат икте-весыштын шинчашкышт тӱткын ончышт. Кажне эрдене паша деч ончыч чайым ырыктен шуктыдымым шижын, шоҥгыеҥым ушештарышт. Тудым шиждегече шарналтеныт – нунын деч Авайым, Ковайым да тыглай Шоҥгыеҥым колымаш шолыштын. Кызыт тудын мӧҥгыштӧ тошкыштмыжо кажныжлан ок сите! Телефонжат предатель семын шып лийын, мемнан верч тургыжланымашат йомын. Ынде паша деч вара пӧртыштӧ иктат огеш вучо. Чылан шарнат, кузе тудо омсалондемыште ыреслен шоген, черкыш вӱдым освятитлаш коштын, шке икшывыже-влаклан Юмо деч пиалым йодын моштен. Да тудо тачат ила ыле. Тудлан поро шомак, чоншижмаш, умылымаш ситат ыле гын… Ава деч посна тӱняште йӱштӧ, да чоным пусталык авалта. Жалке, ме йомдарымеке веле тидым умылена…

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: