"Рубрик деч посна", 2014 ий, Кылме тылзын 7-ше кечыже

Викторине Тый шке театретым палет мо?

Статьян авторжо Ирина Степанова

Викторине
Тый шке театретым палет мо?
“Кугарня” газет ден М.Шкетан лӱмеш театр лудшо-влак коклаште викториным эртарат. Тудо театрын 95 ияш лӱмгечыжлан пӧлеклалтын. Ончыл кум верым налше еҥым М.Шкетан лӱмеш театр деч пӧлек, грамот вучат. Тыгак театрын тоштерышкыже пагален ӱжыт.
Викторине кок тур гыч шога. Сеҥыше-влакым декабрь мучаште палемдена.
1. Могай ийыште Марий театрлан М.Шкетанын лӱмжым пуымо?
2. Ты театрыште Марий Элын калык артистше лӱмым кӧ эн ончыч налын, могай ийыште? Ты артист нерген мом каласен кертыда?
3. М.Шкетан лӱмеш театрын у зданийжым могай ийлаште чоҥеныт? Кӧ тудын архитекторжо лийын?
4.У полат могай постановко дене почылтын? Тӱҥ роль-влакым кӧ-шамыч модыныт?
5. “Ме шкенан йылмынам, культурынам, калык чон поянлыкнам арален кодаш, нуным вияҥдаш, шке сынан, моло дене иктӧр калык семын арален кодаш шонена гын, эн ондак историйнам, илыш-йӱланам пагалаш тунемшаш улына. А тиде пашаште эн кугу нумалтышым шке вачӱмбакше театрлан налаш перна”, — каласен ты театрын ик эн виян режиссержо. Кӧ тудо?
6. Театрыште “Салика” постановкым ятыр гана шындыме. Кӧ да кунам икымше гана Саликан образшым чоҥен? Туддеч вара Саликан рольжым кӧмыт модыныт?


Викторине II тур

1. 1929 ийыште Сенькан ялыште марий труппын икымше спектакльым ончыктымыж годым мыняр еҥ ончаш толын?
2.“Шарнем Александр Корнейчукын “Платон Кречет” пьесыжым шындыме жапым. Тунам мый больницым вуйлатыше Аркадийын рольжым модым. Образ ӱшандарышын йоҥгалтше манын, мылам эмлымверлашке ик гана веле огыл миен кошташ, врач, фельдшер да медшӱжар-влак дене мутланаш логале”. Могай артист тыге ойлен?
3.. Йыван Кырля Марий драмтеатрыште могай ийлаште модын да могай образ-влакым чоҥен?
3. “У мланде” пьесым могай ийыште шындыме? Кӧ режиссержо лийын?
4. Театр икымше гана кунам Эстонийыш миен да могай спектакль-влакым тушто ончыктен? Тунам театрын тӱҥ режиссержылан кӧ пашам ыштен?
5. Миклай Казаков “Марий артистка” почеламутым могай актрисылан пӧлеклен? Тудын нерген кӱчыкын мом каласен кертыда?
6. Шкетан театрыште модшо артист-влак тӱрлӧ ийлаште фильмлаштат сниматлалтыныт. Кӧмыт нуно улыт да могай фильмлаште?
Вашмутым 15 декабрь марте вучена. Сеныше-влакым М.Шкетан театр деч полек вуча.
Ирина Степанова ямдылен.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: