"Рубрик деч посна", 2014 ий, Кылме тылзын 28-ше кечыже

Ик тылзе кодеш

Статьян авторжо Эльвира Терентьева

Ик тылзе кодеш

2014 ийыште Марий Элыште илыше 108 тӱжем еҥ диспансеризацийым эртышаш. Ушештарена: тений диспансеризацийым тыгай ийлаште шочшо-влак эртышаш улыт: 1924,1927,1930, 1933, 1936, 1939, 1942, 1945, 1948, 1951, 1954, 1957, 1960, 1963, 1966, 1969, 1972, 1975, 1978, 1981, 1984, 1987, 1990, 1993. Тиде – 35 гыч 55 ияш кугыеҥ-влак.

Диспансеризацийын икымше этапыштыже 84 тӱжем еҥым тергыме. Тышеч нылымше ужашым тазалык шотышто I группыш пуртымо, таза еҥлан шотлымо. Республикыште илыше 19 тӱжем наре еҥ кокымшо группышто – тазалыкышт шотышто лӱдыкшӧ уло, а молыштын иктаж-могай чер улмым пален налме. Диспансеризацийын кокымшо этапшым эрташ 12 тӱжем еҥым колтымо.

Марий Эл Республикын тазалыкым аралыме министерствыжын данныйже почеш, диспансеризаций годым вӱргорно черан-влак эн шуко палдырнен улыт. Кокымшо верыште пагар-шоло чер-влак шогат, а кумшышто – эндокринный системе. Пашам ыштыше шуко еҥын организмыштыже ты але вес чер вияҥ кертмыштым пален налмеке, Тазалык рӱдерыш колтымо.

Тулык да неле ситуацийыш логалше икшыве-влак (чылаже 1997 еҥ нине категорийыш пура) диспансеризацийым идалык мучко эртат. Палемдыме почеш, 98 процентше кызытеш тергалтын. Тушеч улыжат ик процент утла йочам тазалан шотлымо. Кӱшнӧ каласыме ийлаште шочында да диспансеризацийым эртен огыдал гын, тидым ыштен шукташ эше ик тылзе уло. “Пашам ыштем, сандене ом ярсе” манше еҥлан вашмут уло – паша вер гыч тидлан йодын каяш лиеш, диспансеризацийым эрташ вуйлатыше колтышаш.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: