"Ме марий улына" рубрик, 2014 ий, Кылме тылзын 7-ше кечыже

Толшо еҥым чайым йӱктыде-пукшыде ужаташ ойӧрӧ – Юмо перкем ок пу

Статьян авторжо Ирина Степанова

Ойӧрӧ

Марий-вате-икшыве-еҥ кокласе кылым, койыш-шоктышым саемдышаш верч тургыжланыше ойӧрӧ-влак
Ача-аватлан торжа, неле мутым ойлаш ойӧрӧ – ӱмыр мучко рыскалан от лий.
Ача-авалан икшывым шудалаш ойӧрӧ – мутет шуэш, эҥгек лиеш.
Шокшо кочкышым кочде, корныш лектеш ойӧрӧ – корнан от лий.
Ойгетым шуко ойлаш ойӧрӧ – ойго ойгым ӱжеш.
Ӱстел коклаште кок-кум пӱкеным вашталтен шинчаш ойӧрӧ – кок-кум гана марлан лектат (ӱдырым налат).
Чарка пундашеш кодшо аракам йӱаш ойӧрӧ- йӱшан лият.

Аныклаш туныктышо ойорӧ-влак

Пуым кум ий деч шукылан ямдылаш ойӧрӧ – тулым тылана.
Киндым кумык пышташ ойӧрӧ – илышет кумык лиеш.
Еҥ оралтыш кочкышым пурын пураш ойӧрӧ – колям ияртарен намиет.
Еҥ оралтыш вӱдвараш яра ведрам сакен пураш ойӧрӧ – тудын оралтыже яраш кодеш. Вӱдвара гыч ведрам кидыш налын пурыман.
(Рита Ялаеван “Шуктет гын ойӧрым- илышет лиеш поро” книгажым кучылтмо).
Ирина Степанова ямдылен.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: