"Сылнылык тӱня" рубрик, 2014 ий, Кылме тылзын 28-ше кечыже

Ӱдыржӧ кидпашалан кумылаҥден

Статьян авторжо Анастасия Эманова

Марий кундемна, чынжымак, уста еҥ-влаклан поян. Кидмастар Анна Маслова пашаж дене чыла еҥын, поснак ӱдыр-влакын, чоныштым сымыстара. Тудын ӱпыш пижыктыме резинке, ободокшо, заколкыжо моторлыкшо дене куандарат да ӧрыктарат. Шуко еҥ шоналта, очыни, тыглай тасма гыч кузе розам, хризантемым, макым, лывым ышташ лиеш? Тӱҥжӧ — кид лывыргылык, манеш Анна.

Кидмастар Анна МасловаА.Маслова Йошкар-Олаште шочын-кушкын. 16-шо №-ан лицейым тунем пытарен. Вара МарГУ-што ялозанлык производство технологлан тунемын. Кызыт “Камелот кулинарийыште” пекарь-кондитерлан тырша. Кок ий ончыч кидпашалан шӱмаҥын. “Ешан улам, Лиза ӱдырна кушкеш. Кызыт тудлан куд ий. Лачак ӱдырем кидпашалан кумылаҥден. Икымше пашам пеледышан резинке лийын. Канзаши технике дене ыштем. Тудо оригамим шарныкта, но кагаз олмеш атлас тасма кучылталтеш. Тыгай технике дене шкешотан картинымат ыштенам. Пеш сылнын коеш. Ӱдыремлан поснак “Шоҥшо” лӱман панно келша”, — ойла кидмастар. 6-Kv0Zx3d8U

Анна мастарлыкшым кажне кечын гаяк вияҥдаш тырша, тыгак вес технике денат кидпашам ышташ тунемнеже. “Пытартыш жапыште шинчалан руаш гыч тӱрльым тушкен ышташ кумылаҥынам. Тиде технике моткоч неле, садлан але чыла сайынжак ыштен ом мошто, — манеш А.Маслова. — Канзаши технике дене к8OJaYBjXW9oечеш кум мужыр резинкым ышташ лиеш, но композиций неле гын, жап утларак кая. Пашам-влакым пӧлек шотеш кучыктем, тыгак ужалем. Ободокым поснак чот налыт. Вконтакте соцсетьыште “Изделия ручной работы от Анны Масловой” группем уло. Тушто мыйын шуко пашам ужаш лиеш. Чаманен каласыман, группым вияҥдыман, а тидлан жап да кыл кӱлыт. Садлан кызытеш ты пашам ом ыште”. 

Анна Маслова пашаж дене ӱдыржым кажне кечын гаяк куандара. Ӱдыржат, очыни, шкеак япон искусствын видше – канзаши – деке вашке кумылаҥеш. jNXG91ZP4f4

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: