"Кузе илет, эрвел марий?" рубрик, 2015 ий, Пургыж тылзын 6-шо кечыже

Мотор Ярмиясе туныктышо еш

Статьян авторжо Ирина Степанова

Ярмия ял Бурай — Дӧртыльӧ корнышто верланен. Машина дене кудал эртыме годым корно тудым кок ужашлан шелеш, тыштат-туштат мотор сурт-влак койыт, садлан эре ты ялыш пурен лекташ шоненам. Теве амал лекте. Тыште палымем, туныктышо Ирина Семёновна Алексеева, шке ешыж дене ила. эрвел12
Тора гыч ончымаште, ял кугу гай чучеш. Чынжымак, тыште иктаж 140 сурт уло. Тудо мотор верыште шинча. Ялыште вич урем уло. Тушеч иктыже Давлетгареевмытын лӱмжым нумалеш. Ты ешын историйже моткоч ойган лийын. Кугу Отечественный сар годым ныл изак-шоляк чыланат сарыш каеныт, да тушеч иктыжат пӧртылын огыл. Ялын ик уремже нунын фамилийыштым нумалме изак-шоляк-шамычым шарнен илымым ончыкта.
Ялыште школ да ныл кевыт улыт. Школ Маядык кыдалаш школын филиалжылан шотлалтеш. Тыште индеш класс марте тунемыт. А вара южышт 10-шо классыш пошкудо ялыш але тӱрлӧ колледжыш каят. Ты ял гыч Дӧртыльӧ ола марте 30 уштыш лиеш. Школышто 39 йоча шинчымашым пога, тушеч нылытше — татар, молышт — марий-влак. Кажныже шке шочмо йылмыжым тунемеш.
Тысе ик мотор уремыште Алексеевмыт туныктышо еш ила. Вате-марий 20 ий наре ик школыштак пашам пырля ыштат. Суртоза, Николай Вениаминович, Ярмия тӱҥ школым вуйлата да тыштак историй ден обществознаний предмет-влакым туныкта, а Ирина марий йылме ден литературым да руш йылмым ден литературым вӱда.
Ты ешыште кок йоча кушкеш. Денис Нефтекамскысе нефтяной колледжыште 4 курсышто тунемеш, Белла Ярмия школыштак 9 классыште шинчымашым пога. Ирина паша деч вара чонжым кандараш тӱрлӧ арверым пидеш. Икманаш, кидмастар.
Тек тиде еш да уло Ярмия ял ӱмбалне лач волгыдо кече веле шыргыжеш.

Комментарий-влак:

Комментарийым ешараш:

Войти с помощью: