"Илыш йогын" рубрик, 2015 ий, Пургыж тылзын 13-шо кечыже

“Мый йӧратем родной элемым…”

Статьян авторжо Анастасия Эманова

5 февральыште Звенигово район Красногорский поселкысо 2-шо №-ан кыдалаш школышто поэзий да муро конкурс лийын. Тудо Василий Элмарын 105 ияш лӱмгечыжлан пӧлеклалтын.

"Теремок" йосасадыш коштшо уста ӱдыр-влакВасилий Козырев (Элмар) Провой кундем Кожласола ялеш шочын-кушкын. Возаш 1933 ийыште тӱҥалын. Почеламутшо-влак “У вий” журналыште, газетлаште савыкталтыныт. Тыгак шуко поэтын мурсаскажым марлаш кусарен. Тыге тудо марий калыкым М.Лермонтовын, В.Маяковскийын, Т.Шевченкон, М.Гафурин, И.Франкон, К.Хетагорувын, А.Церетелин почеламутышт дене палымым ыштен.

Конкурс деч ончыч изирак концерт лийын. Геннадий Васильев, Лариса Ильина, Галина Якушева мурым муреныт, Красногорский посёлкысо “Теремок” йочасадыш коштшо ӱдыр-влак марла куштымашышт дене уна-влакын кумылыштым нӧлтеныт. 3-шо классыште тунемше Вадим Игнатов Василий Элмарлан пӧлеклалтше шке шонымо почеламутшым лудын.

Конкурс кум номинацийыште эртен: литературный, музыкальный да театральный.

Икымше номинацийыште эн шуко йоча мастарлыкшым ончыктен.

Кужмара школ гыч Денис Филиппов ден Никита Николаев1-4 класслаште тунемше ӱдыр-рвезе-влак коклаште Кужмара школ гыч Денис Филиппов ден Никита Николаев ӧрыктареныт. Нуно Василий Рожкинын “Пытартыш гранат” почеламутшо почеш инсценировкым ончыктеныт. Жюри кок рвезым икымше вер дене палемден. Кокымшым 2-шо №-ан Шолэҥер кыдалаш школ гыч Екатерина Рогожкина ден Памар кыдалаш школ гыч Юлия Белова налыныт, а кумшым — Чакмарий кыдалаш школын тунемшыже Регина Данилова.

5-8 класслаште тунемше-влак коклаште ты номинацийыште 3-шо №-ан Звенигово кыдалаш школ гыч Анна Воробьева икымше лийын, кокымшо – Мочалище кыдалаш школ гыч Екатерина Токарева ден Чакмарий кыдалаш школ гыч Анастасия Степанова, кумшо – 2-шо №-ан Шолэҥер кыдалаш школ гыч Диана Столярова.

9-11 класслаш коштшо ӱдыр-рвезе-влак кокла гыч Памар кыдалаш школын тунемшыже Анастасия Курбанова ойыртемалтын. Тудо Мичурин-Азмекейын “Шочмо верем моторем” ойлымашыж гыч ужашым сайын лудын. Жюри тудлан икымше верым пуэн, кокымшо верым Чакмарий школ гыч Александр Лукиянов ден Мочалище школ гыч Ирина Иванова суленыт, кумшым Эсмекпляк кыдалаш школын тунемшыже Виктория Сергеева ден Красногорский йоча усталык пӧрт гыч Ксения Павлова налыныт.

Музыкальный направленийыште “Сольный” ден “Ансамбль” номинаций-влак лийыныт. Шкет мурымаште икымше верым “Вучо, авай” муро дене Чакмарий школ гыч Мария Яковлева налын, а кокымшым – “Телефон” мурым мурымыжлан Поянсола тӱҥалтыш школ-сад гыч Екатерина Плотникова.

“Ансамбль” номинацийыште 2-шо №-ан Красногорский кыдалаш школын тунемшыже-влак веле мастарлыкыштым ончыктеныт. Трио Мария Матюкова, Екатерина Носкова, Анна Степанова “Родной ялем воктечын” муро дене жюрин чонжым тарватеныт, нуно икымше лийыныт, кокымшым Людмила Григорьева ден Татьяна Горшкова, а кумшым Анастасия Захарова ден Ксения Носкова налыныт.

“Театральный” номинацийыште кок номер лийын. Тушто Чакмарий школ гыч Михаил Астров, Роза Григорьева, Ирина Рыбакова “Поэзийыш йолтошкалтыш” сценкышт дене икымше верым налыныт, а кокымшо 2-шо №-ан Красногорский школын 5 “в” классше “Мераҥын пӧртшӧ” постановкыж дене лийын.

Кажне йоча ты конкурслан кыртмен ямдылалтын, почеламутым сылнын лудын, мурым мурен, изирак спектакльыште шке рольжым модын. Чыла йоча участникын сертификатше дене палемдалтын. Тыгак поэтессе Татьяна Пчёлкина “Кугарня” газет лӱм дене кумылаҥдыше пӧлек-влакым кучыктен. “Йӧратыза, тунемза марий йылмым, лудса марла книгам, газетым, журналым. Марий улмыда деч нигунам ида вожыл. Чолга улыда. Ты районысо конкурсышто мастарлыкдам сайын ончыктышда. Республикысе Колумб лудмашке мияш ида аптыране”, — каласыш тудо.

Кугурак кПамар школын тунемшыже Анастасия Курбановаласслаште тунемше-влак коклаште икымше верым налше Анастасия Курбанова Волжский районысо Упшер селаште шочын-кушкын. Изинек книгам лудаш йӧрата. Поснак Мичурин-Азмекейын творчествыжым пагала. “Мичурин-Азмекей произведенийлаштыже пӱртӱсым моктен, тудым аралаш кӱштен. Арак огыл тудым марий пӱртӱсын уста мурызыжлан шотлат. Шуко литератур конкурсышто лачак тудын произведенийлаж гыч ужаш-влакым лудам. Районысо лудмашыш чӱчкыдын ушнем. Икмыняр гана кокымшо лийынам, но икымше верым утларак налыПамар школын тунемшыже Юлия Белованам. Мураш йӧратем. Муро конкурсыштат мастарлыкем ончыктенам”, — манеш ӱдыр.

Провой кундемысе Купсола села гыч Юлия Белова лудмо конкурсышто изирак ийготан-влак коклаште кокымшо верым налын. Тудо Василий Элмарын “Мый йӧратем родной элемым” почеламутшым моткоч сылнын лудын, эсогыл жюрин шинчавӱдшымат луктын. Марий тувырым чиен лекше изи ӱдыр, аптыраныде, поэтын мурсаскажым лудын. Марий шӱлышан Юля Памар кыдалаш школысо 3-шо “а” классыште тунемеш. Конкурслан ямдылалташ тудлан аваже, школышто тӱҥалтыш класслам туныктышо Эльвира Витальевна Белова полшен. “Тӱрлӧ конкурсышто эреак участвоватлем. Мураш, кушташ йӧратем. Яра жапыште сӱретлем. Ты конкурсышто икымше лиям манын шоненам. Кыртмен ямдылалтынам. Но кокымшо верым налмемланат куаненам, мастарлыкем шуараш эшеат чот кумылаҥынам,” — ойла Юля.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: