"Рубрик деч посна", 2015 ий, Пургыж тылзын 26-шо кечыже

Нижневартовск олаште эн мотор ӱдыр — марий

Статьян авторжо Эльвира Терентьева

Руслана

13 февральыште Нижневартовск оласе «Октябрь» тӱвыра полатыште «Моторлыкын да талантын королевышт» лӱман конкурс эртен. Ӱдыр-влак шкешт нерген каласкаленыт, мурымо-куштымо мастарлыкыштым да чолга улмыштым ончыктеныт.

Конкурс тӱҥалтыште калык ончылно шкеныштын кап-кылыштым, тарваныл моштымыштым, икманаш, грацийыштым ончыктеныт. Вараже тӱрлӧ мотор вургемым чиен, модель семын коштмышт, мурен, куштен да мутланен моштымышт почылтын.

Усталык да моторлык конкурсыш толшо латныл участнице кокла гыч Нижневартовск оласе «Мари» ансамбльыште куштышо да мурышо марий ӱдыр Руслана Ярмингина «Моторлыкын да талантын королевышт» лӱмым сулен налын. Тылеч посна марий ӱдыр эше кок номинацийыште — «Ончышо-влакын миссышт» ден «Фотомодель мисс» — ончылно лийын.

Ӱдырын ачаже Руслан Валериевич, аваже Лиана Витальевна Ӥӱдвелысе Югра кундемыш Пошкырт вел Мишкан марий район гыч илаш кусненыт. Латшым ияш ӱдырышт 1997 ий 18 августышто у илыме верыште шочын. Нижневартовск оласе 21-ше №-ан школышто шинчымашым поген да варажым социально-гуманитарный колледжыш окаш пурен, кызыт кокымшо курсышто тунемеш. Тыгак Руслана «Парадиз» модо академийыш куанен коштеш. Поро кумылан, весела да мураш-кушташ пеш мастар марий ӱдырым тыгай сеҥымашыж дене саламлена. Ынде Руслана апрельыште Екатеринбургышто эртышаш «Российын топ-модельже» конкурсышко кая. Марий койышым туштат чаплын ончыкташ тыланена.

Руслан Иштубаев.DSCN0081

Нижневартовск ола.

Авторын фотожо-влак.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: