"Илыш йогын" рубрик, 2015 ий, Пургыж тылзын 13-шо кечыже

Нылытынат сареш йомыныт

Статьян авторжо Ирина Степанова


Пошкырт вел Дӧртыльӧ район Ярмия ялыште сарыш 156 еҥ каен, 44 веле пӧртылын.
Ик урем изак-шоляк Давлетгареевмытын лӱмыштым нумалеш. Нуно нылытынат Кугу Отечественный сар гыч мӧҥгӧ пӧртылын огытыл. Изак-шоляк нерген шуко материалым погаш кӱлын, шоҥгырак-шамыч деч ятыр йодыштмо.
Пале лийын: ялыште ныл изак-шоляк иленыт: Давлетбай, Давлетша, Давлетхан, Адельша. Давлетхан сар деч ончыч “КИМ” колхоз председательлан ыштен. Изак-шоляк-влак чыланат коммунист лийыныт да, сар тӱҥалмеке, фашист ваштареш кредалаш каеныт.
Сержант Давлетша Давлетгареевич (1906 ийыште шочын) сарыште налме сусырлан кӧра 1943 ий 8 сентябрьыште колен. Тудым Харьков областьысе Кугу Ермоловка села воктене тойымо. Стрелок Давлетбай Давлетгареевич (1909 ийыште шочшо) 1942 ий 3 сентябрьыште колен. Тудым Ленинград областьысе Эстонский поселкышто тойымо. Моло кок изак-шоляк нерген нимогай увер уке.
Ирина Алексеева.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: