"Илыш йогын" рубрик, 2015 ий, Пургыж тылзын 13-шо кечыже

Раиса Сунгурова, поэт: «Йӧратыме да йӧратыше лийза!»

Статьян авторжо Ирина Степанова

Сунгур1- Ойлат, сӱаныште каче дене палыме лият да келшаш тӱҥалат гын, шкежат ты рвезе дене сӱан марте илен шуат. Мыйынат тиде ой семынак лектын. Эше студент улмо годымак йолташ ӱдыремын сӱанышкыже миенам ыле. Каче могырым ятыр мотор рвезе толын. Нунын коклаштышт мыйын кызытсе пелашемат лийын. Ынде 8 ий пырля улына.
Пелашем Кужэҥер район Тумньымучаш ял гыч. Лӱмжӧ — ачамын гаяк Борис. Кок ий келшенна, вара ик жаплан ойырленна. Мый тунам эше студент лийынам, тӱшкагудышто иленам. Пел ий эртымеке, Борис йыҥгыртен да тӱшкагудо ончыко ӱжын. Лекмекем, тудо вигак роза пеледышым кучыктен, сукен шинчын, марлан лекташ йодын. Тыге ме мыйын шочмо кечемлан, 20 ноябрьыште, чылашт деч шып загсыште возалтынна, а вара кеҥежым, дипломым налмеке, сӱаным эртарыме. Кызыт Сургутышто илена, Марис эргым куштена.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: