"Рубрик деч посна", 2015 ий, Ӱярня тылзын 20-шо кечыже

Киярым йыраҥыште огыл, а печкеште куштена

Статьян авторжо Ирина Степанова

киярТендан пакчаштыда вер шагал гын, киярым кӱртньӧ печкештат кушташ лиеш.
Тыште ятыр плюсшо уло:
- 200 литран кӱртньӧ печкеш (шӱкшӧ да рожынат йӧра) тынарак кияр шочеш, мыняр кок метр кужытан йыраҥыште;
- кияр укшым кылден шогыман огыл. Тудо шкежак печке пелен ӱлыкыла сакалтеш. Тыге кияр мландеш огеш лавырге, да тудым вашке ужаш лиеш;
- йыраҥысе семын шӱкшудым шуко кӱраш огыл. Печкесе шӱкым ик-кум минутышто эрыкташ лиеш;
- тыште кияр йыраҥысе деч ончычрак шуэш, вет печкыште мланде вашкерак ыра.
Ынде печкем ямдылена.

Печке пундашым пӱчкын кудалтыза. Кӧргышкыжо 50 см наре кӱкшытыш укшым, тыгыдемдыме кермычым, олымым оптыза. Вара — тынарак кӱкшыт терысым. Ынде мландым пышташ лиеш. Печке тӱр марте иктаж 20 см наре кодшо. Мландыш 2-3 стакан ломыжым опталза да пудыратыза. Ик печкеш 6-8 кияр озымым шындымат сита. Вӱдым йыраҥысе семынак шавыман.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: