"Сылнылык тӱня" рубрик, 2015 ий, Вӱдшор тылзын 20-шо кечыже

Индийыш кок гана миеныт

Статьян авторжо Анастасия Эманова

18 да 19 апрельыште Сеҥымашын XXX идалыкше лӱмеш тӱвыра полатыште “Шанти” индий сымыктыш тӱнямбал фестиваль лиеш.

Тушто шке мастарлыкыштым Озаҥ, Йошкар-Ола, Киров, Ижевск, Чебоксар да моло ола гыч коллектив-влак ончыкташ тӱҥалыт. Фестиваль нерген “Шанти” группын чолга участницыже Милена Никифорова каласкала. EfGxM0-ohgM

“Шанти” группо 2008 ийыште шочын. Тудын участницыже-влак: Милена, Эльвира да Гульнара улыт. Коллектив шке творчествыж гоч еҥ-влаклан йӧратымашым да порылыкым пӧлекла. Арам огыл тудо порылыкым ончыктымо тӱрлӧ мероприятийын организаторжо. Ты ганат фестиваль годым “Йӧратымашым пӧлекле!” акций лиеш. Кумылан чыла еҥ йӧратыме тувыржым, ӱзгаржым, модышыжым конден, начарын илыше еш да йоча пӧрт гыч икшыве-влаклан пӧлекым ышта. 

Шанти мутым санскрит йылме гыч кусараш гын, “тыныслыкым” ончыкта. Усталыкна гоч еҥын шӱмыш йӧратымашнам шыҥдарынена. Илыш — Юмо дек йӧратымаш муро. Тудлан ӱшанен, ме кӧргӧ виян лийына, шкенам умылаш тунемына”, - манеш М.Никифорова.

“Шанти” группо индийский куштымашым кушта, мурым мура. “Мастарлыкнам вияҥдаш тыршена. Ме эре тунемына. Кок PVW0ZSSVt2wгана Индийыште лийынна. Путтапарти оласе храмыш миен коштынна. Индий шӱлышым шижын, усталыклан эшеат чот кумылаҥынна. Индий манына да шуко еҥын шинчаончылныжо нужна, лавыра эл коеш. А вет Индий – юзо эл. Тудын тӱвыраже, йӱлаже моткоч чот поян, сылне, нимо денат таҥастараш лийдыме. Тушто Юмылан ӱшанымаш пеҥгыде. Индий искусствын кеч изи ужашыжым Марий Элысе калыклан ончыктынена. Тыгай фестиваль Йошкар-Олаште икымше гана эртаралтеш. Тушко уна-влак Аджай Бодж ден Паридхи толыт. Аджай Бодж мурым мура. Российыште кок гана веле лийын, но рушла умыла двладимир аптулаеа изиш мутлана, а Паридхи мехенди (хна дене сӱретлымаш) дене мастер-классым эртара. D57lw_82QYU

Фестивальын икымше кечынже тӱрлӧ мастер-класс-влак Индийлан пӧлеклалтше презентаций лийыт. Ярмиҥгаште индий национальный тувырым, сӧрастарыме ӱзгарым ужалаш тӱҥалыт. Аюрведа (индий медицинын традиционный системыже) да йога дене семинар-влак лийыт. А вес кечынже индийский куштымаш дене конкурс тӱҥалеш. Номер-влакым уста жюри акла. Тудым “Sargam” индий да восточный куштымаш школым почшо Елена Гришина вуйлата. Тыгак конкурс деч вара куд шагат кастене группынан гала-концертше лиеш”, — ойла Милена.

Индий куштымашым, мурым, фильмым йӧратыше-влаклан тиде арнясе каныш кече пайрем гай лиеш. Национальный шере кочкыш-влакым тамлаш, сарим чиен ончалаш, кидым хна дене сӱретлаш, кунам эше йӧн лектеш?

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: