"Кузе илет, эрвел марий?" рубрик, 2015 ий, Ага тылзын 22-шо кечыже

Поро йолташла келшен илат

Статьян авторжо Анастасия Эманова

Марий калык тӱня мучко туто пырче семынак шытен, вуйым чумырен, ешым поген ила. Родо-тукым кылым мондаш огыл да кушкын толшо тукымлан ош тӱняште марий калык улмым палдарыш манын, 6 май гыч 14 май марте “Шийгорно” лӱман поро сомылна дене ӧрдыж кундемышке тарванышна.

Тыге ме, “Кугарня” газетын пашаеҥже-влак: Иван Речкин, Денис Очиев да мый, Татьяна Пчёлкина, — мурызо Вика Тихонова да Морко районысо “Шуматкече” ансамбль дене пырля Пошкырт, Урал да Татарстан кундемлаште илыше марий-влак деке вашкенна. Йошкар-Ола гыч куд шагат эрдене лекна, Шолэҥер корнывожышто Морко вел гыч толшо “Шуматкече ансамбльым вашлийна, порын ӧндалалтын, “Шийгорнышкына” тавранышна.image image шийгор

Икымше марий ял Пошкырт кундемысе Йывачъял ыле. Кандаш шагатым кудал эртыме гынат, шулдыран улмыла веле чучын. Тушто мемнам пуйто шукертсек вученыт, икана ужмаштак, шинчаончалтышна порын шыргыжын, чоннат куанен, кумылат ылыжын.

Мемнам Йывачал клубын “Калык сем” ансамбльже муро костенечше дене шокшын вашлие. Ӱстел тич погымо чес дене сийлыш,. Кинде-шинчалым пурлын, меат пашаланна пижна. Клубышто концертым ончыктышна, толшо-влакын кумылыштым сылне муро сем дене савырышна, шонем. Тидыжым совым рӱж кырмышт пеҥгыдемдыш.

“Йоча-влак ешаралтыт, таче 58 тунемше уло. Кажне марий еҥ шочмо йылмыжым палышаш, садлан школышто шочмо йылмым туныкташ кӱлеш, тидын верч ме шогена”. Мутланымашке марий йылмым да литературым туныктышо Людмила Ишембаевна Салимова ушныш. Тулын ойжо тыгай лие: “Марий книга шагал да у пособий укелан кӧра нелылык лектеш. Мый туныктымо пашаштем “Кугарня” газетлан эҥертем, тудо кугу полышым пуа. У мут, у мутер лекме дене шкежат нелылыкым шижам, садлан семинарыш ӱжыт гын, кумылын шинчымашым келгемдаш каем ыле”.

Ялыште чыла йоча марла мутлана. “Сай” манын пелешта. Школышто Йывачал ялыште илыше йоча-влак гына тунемыт. Кужу уремыштым велосипед дене кудалын толыт, урем велым школ кудывечысе печыш кок орван “йолташыштым” кодат. Мый тыгайым икымше гана ужынам да ӧрынам:нигӧ огеш тӱкале.

Икшыве-влакым арулыклан туныктен куштат. Мурен-кушталтен колтат гын, кап-кыл мучко вӱр тарвана, куан шинчавӱд дене шинча чӱчка.

Йывачал ялжат кугу, калыкшат икоян, марий йӱлам аралат, уна-влакым поро кумылын вашлийын, Юмо деч аралтышым йодын, ужатен моштат. Тау, чылаштлан!

Мый ялын историйжым, лӱмлӧ вержым Владислав Сафаров деч шуко йодыштым. Йывачалыште шке Йошкар-Олашт уло улмаш. Тыге ик у уремым лӱмдат. Мемнан толмо дене тыште илыше марий-влаклан мемнан семынак вий ешаралте, шонем. Иван Речкин дене коктын кугу концерт деч вара эрдене, 7 майыште, кӱтӱм лукмашке лекна. Тидын нерген вес черет кумданрак возем.

автор Татьяна Пчёлкина.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: