"Рубрик деч посна", 2015 ий, Пеледыш тылзын 4-ше кечыже

Василий Элмарлан – шарнымаш кӱ

Статьян авторжо Эльвира Терентьева

 

31 майыште марий поэт-фронтовик Василий Элмарлан (Василий Сергеевич Козыревлан) шочмо Звенигово районысо Кожласолаштыже шарнымаш кӱм почыныт.

Тудым чолга пӧръеҥ, 20 ий милицийыште пашам ыштыше, а кызыт Красногорский посёлкысо 2-шо №-ан школышто йоча-влакым автобус дене шупшыктышо, Волжский районысо Кожласолан эргыже Олег Бакутов поэтын пӧрт олмо ончылныжо вераҥден. Тиде кӱым да воктенысе кумдыкышто йоча площаЭлмар1дкым Олег Бакутов шке оксаж дене келыштарен.

Шарнымаш кӱым почмаште верысе ял калык, “Кугарня” да Марий Турек районысо “Знамя” газет-влакын журналистышт лийыныт. Йошкар тасмам пӱчкаш чап поэтессе Эльвира Ендылетовалан логалын. Тудо шке мутшым Василий Элмарын кумдан шарлыше “Мый йӧратем родной элемым” почеламут гыч тӱҥалын, вара шкенжын “Марий Элем” почеламутшым лудын. Уста гармоньчо да мурызо Олег Бакутов, кидыш гармоньым налын, шке мурыжо-влакым мурен. “Авамлан”, “Тылат” муро-влакым лыжган муралтен, калыкым куштыктен да мурыктен. Поро кумылан Кожласола калык пырля мурен-куштен, кочкын-йӱын, сийлалтын…

Тиде чолга марий пӧръеҥ Олег Бакутов нерген материалым “Кугарня” газетын 5 июньышто лекше номерыштыже лудса.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: