"Рубрик деч посна", 2015 ий, Сӱрем тылзын 31-ше кечыже

Модыш йоча-влаклан куаным конда

Статьян авторжо Анастасия Эманова

Елена Даниловалан пӱртӱс кид лывыргылыкым пуэн. Самырык ӱдыр име да крючок дене мастарын пидеш.

кидмастар Елена ДаниловаЕлена Калининский (кызыт Тверской) областьысе Тимошкино ялеш шочын. 10 ияшыж годым ешыже ачажын шочмо кундемыш – Волжский районысо Усола Корамасыш – илаш толын. Ӱдыр тысе тӱҥ школым тунем пытарен. Вара Оршанкысе педколледжыш каен, 2008 ийыште тӱҥалтыш класслам да музыкым туныктышо дипломым налын.

3dcEeJ0qjqgКидпашалан изинек кумылан кушкын. “Авам школышто технологий предметым туныктен. Тудак пидаш, тӱрлаш, ургаш кумылаҥден. Авам шӧртньӧ кидан. Мӧҥгыштӧ тудын ургымо чаршаже кеча, пидме тӱрлӧ салфеткыже, панножо пӧртым сӧрастарат. Мыят крючок дене ӱстембал салфеткым пидынам, панномат ыштенам. А идалык ончыч амигурумилан — пидме япон искусствылан, кумылаҥынам. Тунам пелашем дене кокымшо йоча шочмым вученна. Мый тудлан шке кидем дене иктаж-мом сайым ыштынем ыле. Интернетыште крючок дене пидме сылне модышым ужынам. Тыге икымше пашам шочын, — манеш Елена. — Амигурумим спираль дене пидыт. Иктаж модыш янлыкымкидмастар Елена Данилова ыштыме годым ужаш-влакым посна пидман, вара урген ушыман. Модыш объемный лийже манын, кӧргышкыжӧ куэм ластыкым шӱшман. Тыгай модыш писын пидалтеш. Ик модышым ик-кок арняште ышташ лиеш. Кажне пашам эн ончыч икшывем-влак аклат. Нунылан моткоч келша. Шке гыч пидме икмыняр модышым йолташем-влакын икшывыштлан пӧлекленам, тыгак авалан, пелашемлан кучыктенам. Еҥ-влак заказым пуат. Тӱрлӧ янлыкым чоным пыштен пидам, садлан нуно мыланем шерге улыт”. JEoM06CBGlY

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: