"Сылнылык тӱня" рубрик, 2015 ий, Идым тылзын 4-ше кечыже

Атлас тасма, кагаз, кампетке дене сылнылыкым шочыкта

Статьян авторжо Анастасия Эманова

Кызыт Интернетыште могай гына кидпаша техникылан огыт туныкто. Еҥ-влак кӱчык жапыште оригамим, амигурумим да молымат ышташ тунемыт. Ирина Лесникова лач Интернет сетьыште канзаши технике дене ыштыме пеледышым ужын да шкежат тыгай пашалан кумылаҥын. u-fqTkH1CAg

3dMSJNGvTr0И.Лесникова Волжский район Учимсола ялеш шочын-кушкын. Йочасадыш коштмыж годым сӱретлаш моткоч йӧратен, а изирак класслаште ургаш да пидаш тунемын. Кидпашалан кумылан ӱдыр МарГУ-што ОБЖ-м туныктышылан тунемын. Шке специальностьшо дене школышто кок ий пашам ыштен, а вара йочасадыште изостудийыште сӱретлаш да нерынчен ышташ туныктен. Кызыт Ирина — Волжск олаште компьютер компанийыште менеджер.

Яра жапыште чон-кумыл пашажым ышта, заказым шукта. “Канзаши техникылан шукерте огыл кумылаҥынам. Интернетыште атлас тасма дене пеледышым ыштыме шотышто мастер-классым ужынам. Мый ыштен ончышым. Келшыш. Эн ончыч тыглай пеледышым ыштенам гын, варажым — нелырак композицияным. Ты технике дене заколкым, резинкым, ободокым утларак ыштем”, - ойла И.Лесникова.

R5OCz3X6DJQКанзаши – япон искусство. Ожно Японийыште атлас тасма гыч азыр да рисовый клей полшымо дене пеледыш лышташ-влакым ыштеныт. Вара нуным шӱртӧ дене урген ушеныт. Ямде пеледыш дене шергем, заколкым сӧрастареныт, булавкыш пижыктен, брошкым ыштеныт.UsaBm4XNSaM

Канзаши технике дене сӧрастарыме ӱзгар-влакым веле огыл, тыгак панном, тӱрлӧ кайыкым ышташ лиеш.

Канзашилан тунемаш нелыжак огыл. Тӱҥжӧ — чаткан ыштыман.

Иринан чапле пашаже-влакым шукын акленыт, заказым чӱчкыдын пуат. “Пашам-влакым Интернет сетьыш луктынам ыле. Тыге кидпашамым налше-влак шукын лектыныт. Канзаши технике дене веле огыл ыштем. Тыгак сӱанлан тӱрлым ямдылем, мутлан, бокал-влакым, кидшолым, шондыкым, тыгак кампетке, куэм да кагаз гыч аршашым ыштем”, - ойла ӱдыр. 

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: