"Улам мый Рве-зы-лык!" рубрик, 2015 ий, Идым тылзын 11-ше кечыже

Ме ончыкылыкым ойырена!

Статьян авторжо Анастасия Эманова

4-5 сентябрьыште Йошкар-Олаште “Марий Элын ончыкылыкшо – самырык тукымын кидыште. Ме ончыкылык корным ойырена” форум эртен.

MolForym_mari-arslan2_5.09.15Самырык-влак 9 творческий площадкыште: “Время жить в Марий Эл”, “Народов много – дружба одна”, “Молодежь за будущее Республики Марий Эл”, “Мы строим будущее”, “Средства массовой информации Республики Марий Эл в реализации молодежной политики”, “Счастливая семья – будущее родной республики!”, “Спорт – ты жизнь!”, “Здоровье наше будущее” — участвоватленыт. Площадкылаште чылаже 685 еҥ лийын. Журналист-влак “Марий Эл ГТРК” зданийыште вашлийыныт. Тушто мыланна Марий Эл ГТРК-н пашаеҥже А.Барауля экскурсийым эртарен, телерадиокомпанийын историйже нерген ойлен, у оборудований дене пойдаралтше студийым ончыктен. СМИ-н площадкышкыже палыме шуко еҥ толын, нуно шке паша опытышт дене палдареныт, молодежный политикым вияҥдымаште журналистын надырже нерген ойленыт. ГТРК-н вуйлатышыже М.А.Митьшева кажне самырык журналист деч ончыкылык планышт, шонымашышт нерген йодын. Икте оҥай йоча программым ыштынеже, весе редактор лийнеже, кумшо театр илыш нерген палдарыше журналым савыктынеже (тыгайже республикыштына эше уке). Журналист-влак форум годым тӱрлӧ йодышым каҥашеныт, темлымашым ойленыт. РМЭ тӱвыра, печать да национальность паша шотышто министр М.З.Васютин деч самырык журналист-влак коклаште “Молодые таланты” конкурсым эртараш лийме нерген йодыныт. Тидын шотышто министр “Социально-экономический тематикым почын пуышо эн сай журналист паша” номинацийым ыштена манын вашештен. Этножурналист школын еҥже М.Алгайкин “МолМари” региональный молодежный рӱдерым почаш темлен. Тидын шотышто проект ямде, лач окса полыш кӱлеш. Площадкылаште паша пытарымеке пленарный заседаний лийын. Тушто молодежный политикын вияҥмыже, тудын кӱлешлыкше нерген РМЭ правительстве председательын алмаштышыже, тазалыкым аралыме шотышто министр В.В.Шишкин, РФ Федеральный Погынын Федераций Советыштыже РМЭ правительствын представительже С.Ю.Солнцева, Кугыжаныш Думын еш, ӱдырамаш да йоча-влак шотышто комитетшын председательжын алмаштышыже, “Единый Россий” фракцийын членже Л.Н.Яковлева, образований да науко министр Г.Н.Швецова да молат ойленыт. Республикысе молодежный правительствын председательже В.Баскакова кок ияш пашам иктешлен. Российысе моло молодежный правительстве коклаште Марий Эл Республикысе молодежный правительстве 11-ше верыш, Юл кундемысе федеральный округышто 1-ше верыш логалмым палемден. “Кравец” образовательный форумым, Марий Самырык тукым слетым да чолга самырык еҥ-влакым ушышо моло мероприятийым эртарыме нерген ойлен. Молодежный правительствыште 15 министр пашам ышта. Министр-влак ден нунын алмаштышышт районлаш чӱчкыдын лектыт, йоча интернат-пӧртыш миен коштыт, порылыкым ончыктымо акцийым эртарат. Октябрь тӱҥалтыште Юрино районыш паша дене лекташ шонат. Мероприятий годым Йошкар-Оласе олимпийский резерв училищын студентше И.Царегородцевлан “За заслуги перед Марий Эл за особые успехи, достигнутые в спорте” медальым кучыктеныт, тыгак икмыняр чолга еҥым “За большой вклад в подготовку и проведение XXVII Всемирной летней Универсиады 2013 года в Казани” да “За активную работу по патриотическому воспитанию “Знаменосец Победы Григорий Булатов” медаль дене палемденыт. Заседаний деч вара пресс-конференций лийын. Тушто журналист-влак тӱрлӧ йодышым пуэныт. Вес ийынат тыгай форумым эртараш шонат.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: