"Рубрик деч посна", 2015 ий, Шыжа тылзын 27-ше кечыже

Пӧръеҥ-влак ӱдырамаш тувырым чият

Статьян авторжо Эльвира Терентьева

Йӱла - Калтаса

Пошкырт кундемыште тыгай йӱла улмо нерген Калтаса район гыч Ирина Кумушбаева деч пален нална. Тудо тыгерак каласкалыш:

- Тиде йӱла мемнан районысо Амчемучаш ялыште шочын. Икымше гана пӧръеҥ-влак, ӱдырамаш-влакын пайрем вургемыштым чиен, 14 ий ончыч памашыш воленыт ыле. Тидыже Сатылбаевмыт еш гыч тӱҥалын. Тунам Амчемучаш ялын шочшыжо Виталий Викторович Сатылбаев Кӱшыл Качмаш ял гыч Марина Ярановам марлан налын. Тидым мыят шарнем. Сӱан кече эрлашыжым погынышо калыкын вӱдлан тарванаш тӱҥалмыж годым Очий Глухова кова рвезе-влаклан ӱдырамаш тувырым чияш темлен. Куд але шым эрге марла чиенат шогальыч. Эн ончыч кӱзгышкӧ (воштончышыш) ончен, шкеныштым воштыл нальыч. Вара вӱдлан погынен кайышна. Тидыже рвезе-шамычланат, моло-влакланат пеш келшен, сандене тиддеч вара марий яллашке ты йӱла шыҥенак пурыш. Тидыже сӱанымат сылнештара. Тыгаяк чолга лийза, рвезе-влак. Марий улмыда деч ида вожыл, кугешныза гына. Таза да пиалан лийза!

Шоналташ гын, рвезе-влак ӱдырамаш вургемым кажне кечын огыт чие. А ме, ӱдыр ден ӱдырамаш-влак, машина дене кудалыштына, джинс брюкымат чиена, упшымат упшалына. Но пӧръеҥ-шамычлан ӱдыр вургем огеш логал. Кеч тыгай оҥай йӱлам шонен лукмылан кӧра ынде эрге-влак марий тувырым ӱчашен-ӱчашен чият. Тидыже ӓйвӓт (сай) гына!”

Теве тыге, марий-влак. Тендан районышто але ялыштыда тыгай оҥай йӱла уке гын, илышыш пуртыза да веселитлыза.

Эльвира Ендылетова.

Снимкылаште: йӱлам шуктымо годым.

Йӱла - Калтаса2

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: