"Рубрик деч посна", 2015 ий, Кылме тылзын 9-ше кечыже

“Марий Эл дене кыл кӱрлын огыл”

Статьян авторжо Эльвира Терентьева

Алеко_Юзыкайн,_Сергей_Маков,_Олег_Герасимов_ӱдыржо_ден_Шкетан_театрыште 

Тыге каласыш Марий Эл искусствын сулло деятельже, Кугыжаныш премийын лауреатшеС.Н.Маков. Тудын «Муралтем мый йывыртен» икымше марий ораторийже, «Кӱсото» кантатыже марий сем культурын историешыже келге кышам коденыт. Сӧрал мурыжо-влакым ятыр мурызо калыклан намиен шуктен.

А кузе таче лӱмлӧ марий композитор Сергей Маков ила? Тудын кок ий ончыч Марий кундем гыч кайымыж нерген мут писын шарлыш. Тунамат, варажымат калык амалжым кычале, тӱрлӧ манеш-манешым ойлышто. Но Сергей Николаевич умылтарыме шот дене ик журналистланат интервьюм ыш пу. Ты гана композитор шочмо вер-шӧрышкӧ толмыж годым “Кугарня” газетын унаже лие. Тыге С.Маков шкеж нерген да Моско кундемыште илымыж нерген газет гоч каласкалаш келшыш.

Маков

- Сергей Николаевич, Те шочмо кундем гыч трукышто кайышда. Шукын ойлышт, пуйто те сырен лектын каенда…

- Шочмо кундем гыч каенам манашат ок лий, пел йолем дене, вуйушем дене тыштак улам. 2014 ий январьыште М.Шкетан лӱмеш Марий национальный театр гыч пенсийыш кайышым.

- Марий сылнысемже садак шочеш вет?..

- Черновикыште возымо-влакем ятыр улыт. Возалтеш, но шукыжым ончычсо семынак ӱстелыш веле поген пыштем. Кызыт Зоя Дудинан мутшылан у паша — Чумбылат нерген муро — ямдылалтеш. Марий шӱлышан пашам-влак улыт… Чылажат марий илышым, койышым ончыктат. Эше руш музыкыш куснен омыл. Кеч йодмаш почеш руш мурым шочыкташ лиеш.

СЕРГЕЙ НИКОЛАЕВИЧ МАКОВ дене тӱрыс интервьюм «Кугарня» газетын 30 октябрьыште лекше номерыштыже лудса.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: