"Рубрик деч посна", 2016 ий, Шорыкйол тылзын 22-шо кечыже

Эргын кӱрылтшӧ семже

Статьян авторжо Эльвира Терентьева

Кодшо ий декабрьыште Морко районысо ик сылне вершӧран Изи Кушна ялышке миен толмеке, тышан шочын-кушшо Дена Андреевна Карамован лӱмжӧ ушем гыч йӧршеш ыш лек. Лачак ты ялыште тудын Рудольф эргыже ынде кокымшо ий ила. Тиде шочшым чаманен, шуко жап шкевуя шонен коштым. Вара “И с нами голуби” спектакльыштат  (Г.Гордеев) йочапӧртыштӧ илыше йоча-влакым ужын, скрипке дене шоктымым колын, шинчавӱдем йыр-йор йогыш…

Но “Марий Эл Республикысе культурын сулло пашаеҥже” чап лӱмым сулен налше туныктышым, композиторым, поэзийлан шӱман еҥын лӱмжым шӱктарыме шонымаш дене огыл, а Д.А.Карамовам умылаш, тудын нерген утларак пален налаш шонен, паша верышкыже – Национальный президент интернат-школышко — миен коштым, пырля пашам ыштыше ден тунемшыж-влак дене вашлийым, “Музыка – моя жизнь” книгажым (2007) шергалын лектым.

Дена Андреевна дене шкежат вашлийын мутланенам да “Кугарня” газетыш интервьюм савыктенам ыле (1999 ий, 23 июль) Шарнем: шокшо кеҥеж ыле. Тудо мыйым, самырык пашаеҥым, рӱдоласе Эшпай уремышке пӧртшӧ воктеке ӱжӧ, да ме туддене иктаж кок шагат наре ик теҥгылыште мутланен шинчылтна. Уста педагогын да композиторын сар жапыште нелын илыме татшым да Арын йочапӧртыштӧ кушмыжым ойгырен, а поэт Юрий Чавайн дене келшымыжым, тудым йӧратымыжым кумылын каласкалымыжым да тыгодымак туддене еш илышым чоҥен кертдымым чаманенрак ойлымыжым шыпак колыштым. Рудик эргыж нерген ава чон журналистлан ойлыде кертын огыл, но мутланымаш мучаште “Эргымым ит ушештаре, тудын нерген ик шомакымат ит возо” манмыже ӧрыктарен. Тунам Рудик вуйуш пудыраныше-влак дене пырля интернатыште илен. Туге гынат интервьюшто йочаж нерген ушештарыде кертын омыл. “Кыреныт, сандене вуйушыжо пудыранен”, — пелештен тунам ава. Но тидын нерген нигушто нигӧн дечат йодын омыл…

УМБАКЫЖЕ «Кугарня» газетын «Айдеме да пӱрымаш» лаштыкыште лудса.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: