"Сылнылык тӱня" рубрик, 2016 ий, Пургыж тылзын 12-шо кечыже

Тунемаш кайымышт годым келшаш тӱҥалыныт

Статьян авторжо Татьяна Иванова

М.Шкетан лӱмеш Марий театрын самырык артистше-влак Екатерина Малинина ден Михаил Александровын ӱмаште 17 сентябрьыште сӱанышт лийын. Нуно коктынат Москвасе М.Щепкин лӱмеш кӱшыл театр училищым тунем пытареныт.

Екатерина Кужэҥер районысо Йӱледӱр селаште вич йочан ешыште шочын. Кокымшо классыште тунеммыж годым школысо мероприятийлаште усталыкшым ончыкташ тӱҥалын да весела, чолга, мыскараче кумылан улмыж дене ойыртемалтын. Михаил Александров — Волжский районысо Сотнур ялын шочшыжо. Тудат вич йочан ешыште кушкын. Мишан койыш-шоктышыжо тыматле, шыргыжал мутлана, изинек спорт дене кылым кучен.

“Ме Москвашке тунемаш кайыме кечын, 2011 ий 29 августышто палыме лийынна. Мый театрын зданийыштыже йомынам да йолташ ӱдырем кычал коштынам. Ончем, кум рвезе, шога: Андрей, Акпарс да Миша. Чыланат Волжский вел рвезе-влак улыт улмаш. Нунын деч йолташем ужын огыдал, воктечда эртен каен огыл?” йодынам. Москвашке кудалме годым ме Миша дене лишкырак палыме лийынна. Туддеч чупа-чупс кампеткым налын пуаш йодым, а рвезе мылам, ӱшанеда, уке, ик пакет кампеткын налын толын. Моткоч ӧрынам да куаненам. Вара ме шукырак жапым пырля эртараш да келшаш тӱҥалынна. Вурседылынат улына, эсогыл ик гана “ойырленна”, а театр илышна мемнам эре ваш ыштен. Ме икте-весе деч посна иленжат огынат керт, йӧратена”, — каласкалыш Екатерина.миша1

Коктынат шыжын чевер кечыжлан тауштат. Артист-влак тӱрлӧ оҥай верлаште войзалтыныт, эсогыл тракторыш кӱзеныт. Сӱан путешествийым нунылан театр пӧлеклен: 18 сентябрьыште самырык артист-влак йолташышт дене пырля Марий Эл мучко концерт гастроль дене тарваненыт.

“Мо тыгай йӧратымаш?” манмылан Катя тыге вашештыш: “Кунам шӱм пелашет тый денет пиалан але пиалан улам манын ончыктылеш”. Мый шижым, тудын пӱсӧ мыскараже порылык дене вӱдылалтын, илышыштым оҥайым ышташ манын, актер моштымашыжым огыл, а чон шокшыжым пуа. “Икте-весылан 14 февральыште пырдыжыш пижыкташ обой рулоным пӧлеклена”.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: