"Илыш йогын" рубрик, 2016 ий, Пургыж тылзын 26-шо кечыже

«Чылажат курымлан шарнаш кодын…»

Статьян авторжо Гельсий Зайниев
Кадр этнофильм Марийцы

«Марийцы» фильм гыч кадр

Пытартыш жапыште элыштына у йӱла шочын – тиде але вес йодышлан (темылан, пашалан) пӧлеклалтше идалык-влак эртаралтыт. Лийын ыле Туныктышын идалыкше, вара – Культур ден Сылнымут идалык-влак.  А 2016 ийым Кино идалык манын увертарыме.  Тидлан кӧра ик йодышым ончал лектына: кундемнан илышыже кинопленкыш икымше гана кунам  войзалтын?

Марий автономный областьым (МАО-м) официально почмо пайрем Чарлаште 1921 ий 1 мартыште  эртен. Сандене тудо жапыште автономий шочмо кечым ий еда 1 мартыште палемденыт. МАО-лан вич ий темме амал дене облисполком 1926 ийыште Моско гыч кинооператор-влакым ӱжын. Тунам войзымо киноочеркыште пайрем гына огыл, тыгак оласе пазар, чодыра да пасу паша нерген сюжет, этнографий сӱрет ончыкталтыныт.

Мухин В.А.

В.А.Мухин

Мухин В.А.Владимир Мухин-Сави да икымше марий кинофильм

Тунамракак марий калыкын кугу ушан шочшыжо-влак кундемнан илышыжым ончыктышо художественный фильмым войзымо нерген шонаш тӱҥалыныт.  1927 ий кеҥежым МАО облоно вуйлатыше В.А.Мухин Москошко школ пашам вияҥдыме шотышто погынымашке миен коштын. «Йошкар кече» газет тидын нерген уверым савыктен. Тушто вес темымат тӱкымӧ: «Мухин йолташ «Совкино» манме кино сӱретлымашке пурен. Марий калык илыш гыч киносӱретым ыштыкташ манын, Москосо марий секций дене пырля пунчалым ыштеныт. Тиде паша вес ий гыч тӱҥалшаш. Киносӱретлан илыш гыч ойлымашым возаш Мухинлан шӱдымӧ».

1928 ий 16 февральыште «Марийская деревня» газет Т.Евсевьевын (Евсеевын) «Нужно сделать марийскую кинофильму» увержым савыктен (ожно фильм огыл, а фильма манын сереныт). Краеведений обществыште, возен Евсеев, марий фильм шотышто В.Мухинын докладшым колыштмо. Умбакыже тыге ойлалтын:

«В настоящее время условия для создания марийской фильмы сюжетного характера являются уже значительно более благоприятными… В выяснении основных вопросов, например, с «Совкино», докладчик отметил достижение значительной степени договоренности, так что можно надеяться, что почва для постановки в ближайшее время марийской кинофильмы достаточно подготовлена… В принятых постановлениях общество краеведения отмечает большую необходимость создания марийской кинофильмы с привлечением к этому делу внимания всех общественных организаций».

Тӱҥалме сомыл умбакыже кузе вийнымым режиссер Бекын (инициалже уке) «МАО на экране» статьяже ончыкта («Марийская деревня», 1928 ий 19 июнь):

«Партсовещание по вопросам кино дало союзной кинематографии четкую директиву: увеличить производство научных картин (культурфильм), также картин, рисующих новое строительство и культурную революцию в отдельных автономных единицах.

Имеет что показать современному зрителю и Марийская автономная область. К Йошкар-Ола, ее главному городу, идет железная дорога. Свист паровоза, повторяемый эхом в лесных дебрях, создает творческую веру, что залегающие здесь богатства будут добыты и пойдут на процветание края.

Строятся больницы, оборудуются школы, кое-где задымят, хоть и небольшие, но все же настоящие заводские трубы.

МАО на экране мыслится нами как симфония леса, больших цифр сплава, красочных узоров марийских вышивок, своеобразного быта трудящегося населения.

Задача режиссера – на этом материале осветить хозяйственные и экспортные возможности области, ее своеобразный быт.

Долг марийской общественности – помочь нам разрешить эту задачу. С бодрой уверенностью в эту помощь мы приступаем к работе, к созданию первой этнографической культурной фильмы, которая сможет рассказать не только в СССР, но и за границей о стране и трудящемся народе Мари».

Лачак ик арня гыч тиде газет «В президиме Мароблисполкома» уверым пуэн. Лудына:

«Востоккино» включило в свой сметно-производственый план производство засъемки этнографического короткометражной фильмы, имеющей целью показать хозяйственные, экспортные и концессионные возможности Марийской области. Засъемка этой фильмы будет проведена оператором «Востоккино» тов. Пате-Ипа под руководством и контролем режиссера Шелонцева».

Тыштак «Начались засъемки кинофильмы» увер уло:

«Акционерное общество «Востоккино», пайщиком которого состоит МАО, включило в свой производственный план текущего года две фильмы, отображающие жизнь марийского народа. Первая – художественно-бытовая фильма, она построена на чрезвычайно злободневной и актуальной теме о колхозном строительстве и рисует героику борьбы нового быта с остатками старого.

Условное название фильмы – «Марий Кужер». Сценарий Б.Шелонцева и Дм.Константинова по теме В.А.Мухина. Режиссер фильмы – Б.Шелонцев, ассистенты – Дм.Константинов и К.Поздняков, оператор – Михаил Инсаров. Уполномоченный «Востоккино» — А.Тажетдинов.

Фильма будет сниматься в районе Моркинского кантона, куда в настоящее время выехала съемочная группа в составе режиссера, двух ассистентов и оператора для подыскания мест натуры, где должны будут производиться съемки.

В картине будут принимать участие московские квалифицированные киноактеры К.Градополов, Добрянская и другие, которые в ближайшие дни прибудут к месту съемки, и ученики Марийской драматической студии.

Вторая марийская фильма – социально-этнографическая – будет сниматься второй съемочной группой с оператором Пате-Ипа под руководством Б.Шелонцева».

Тылеч вара шуко вӱд йоген эртен, да 1980 ий августышто Морко районысо Кӱчыкэҥер ялыште, Курсовмытын илыме пӧрт пырдыжеш, шарнымаш оҥам пижыктеныт. Тушан тыге возымо: «В этом доме в июле 1927 года состоялась первая комсомольская свадьба для кино».

Вик каласыман: 35 ий утла ожно ыштыктен сакыме мемориал оҥа мемнам изишак «ондала». Эн ончычак, кинооператор-влак тиде ялыш 1927 ийыште огыл, а ик талуклан варарак толын коштыныт. Да сниматленыт комсомол сӱаным огыл, а кугезе йӱла почеш мужыраҥме марий йӱлам. Тиде паша шукталтын 1928 ий 16 июльышто.

Савуш Павел Курсовын шарнымашыже

Тунам комсомол ячейкым Кӱчыкэҥерын чолга эргыже, 19 ияш Павел Курсов вуйлатен. Вара тудо салтакыш каен да умбакыже уло илышыжым армий дене кылден, сар ийлаште гвардий полковник марте кушкын, кандаш орден дене наградитлалтын. Павел Ильич кужу ӱмырым илен, 100-шӧ шочмо кечыж марте 20 тылзым илен шуктен огыл. Тудо ныл мемуар книгам возен да савыктен. П.Курсов шочмо вер-шӧр дене пеҥгыде кылым кучен.Тӱрлӧ газетлан («Марий коммуна», «Молодой коммунист», «Морко мланде») возымо статьялаштыже саде комсомол сӱанымат ик гана веле огыл шарналтен. «Первая комсомольская свадьба. Ей исполнилось 70 лет и она была показана в кино» вуймутан кугу материалыштыже («Морко мланде», 1997 ий 19 сентябрь) серен:

«Лето 1927 года в разгаре. К нам в дер. Кожлаер, где тогда я был секретарем комсомольской ячейки, по рекомендации руководства района приехал известный марийский ученый В.М.Васильев с группой специалистов из «Востоккино» во главе с П.Р.Примаковым…»

Сӱан шотышто тыге каласыме:

«Общее руководство свадьбой взял на себя замечательный организатор и знаток этого дела И.Я.Казаков – отец будущего народного поэта республики Миклая Казакова. Местный учитель Н.И.Беклемишев согласился быт сватом… Быть савушем и руководить ансамблем товарищи доверили мне, как секретарю комсомольской ячейки… По совету старейшин свадьбу назначили на воскресенье…».

Умбакыже Павел Курсов сӱан кузе эртыме, тушто кӧмытын «модмышт» нерген радам дене ойла да мутшым тыге иктешла:

«Так впервые на кинопленке запечатлена традиционная свадьба луговых марийцев, и вскоре появился захватывающий фильм под названием «Марий Кужер». Он долгое время демонстрировался на экранах кинотеатров, клубов…

Одним из очевидцев этого представления тогда был девятилетний мальчуган по имени Миклай… И вот через десятилетия ныне покойный народный поэт республики Миклай Казаков написал стихотворение под названием «Комсомольская свадьба».

Ветеран-фронтовик стихын лӱмжым йоҥылыш ончыктен. М.Казаковын 1969 ийыште возымо почеламутшо «Марий Кужер» маналтеш. Но сӱанын ойыртемже  нерген  Курсов ты гана пеш чын каласен: мужыраҥме пайрем у семын, комсомол шӱлыш дене огыл, а кугезе йӱла почеш эртаралтын. Моско киноэкспедицийын шонымашыжак тугай лийын: марий калыкын курымла мучко вияҥ толшо илыш радам-шотшым, пайремлыме йӱлажым историйлан чын войзен кодаш.

Саде сӱаным войзымо годым М.Казаков индеш огыл, а лу ияш лийын, но тудо мом да кузе сниматлымым ийготшылан кӧра умылен кертын огыл, тидлан кӧра «Марий Кужер» почеламутшо реализм негызан огыл, а легенде, фантазий шотан лектын. Поэт возен:

…Сӱанвуй  ковыртатыл коштеш,

Каче-влакым ӱстел дек ӱжеш:

- Йӱза, кочса, паша тендан шуко…

Пералта тӱмырат, лоргыкта шӱвырат.

Шуйдарале гармонь ныжыл семым.

Каче-влак шелышт веле мурат,

Ленчешкашт гын лойгалтын йолгат…

Тӱрлӧ век аппаратым виктен,

Оператор шолтка чарныде –

Чылажат курымлан  шарнаш кодшо…

А сӱан  урем мучко эрта.

Калык пылла шуйналт ошкеда.

«Ӱдыр суртышто» талышныш муро.

Койыш шотым ыштен шуктымек,

Ончал колтышт  чылан «мужыр» век,

Эн коклазе йылмат кайыш пурылт.

Имне писе,  тугай оргамак!

Тарантас   тойлыман чынжымак.

Шынден ӱдырым, каче чымалте.

…Мочол жап мемнан велне шоктен

Поро мут, тиде кечым шарнен.

Гельсий Зайниев.

Материалым 26 февральысе да 5 мартысе газетлаште лудса.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: