"Рубрик деч посна", 2016 ий, Пургыж тылзын 26-шо кечыже

8 Март пайремлан салат-влак

Статьян авторжо Ирина Степанова

салат с гранатом0“Йошкар упш”
Моткоч куштылго да тамле салат.
Салатым лончо дене оптыман. Кажне лончыжым майонез дене йыгалтыман.
1 лончо: оҥго але кубик семын пӱчкедыме ик кугу шоган (кочо тамже пытыже манын, шолшо вӱдыштӧ кучаш кӱлеш);
2 лончо: кубик семын пӱчкедыме кок шолтымо пареҥге;
3 лончо: тыгыдын пӱчкедыме чыве шыл;
4 лончо: тыгыдын пӱчкедыме грецкий пӱкш;
5 лончо: тыгыдын пӱчкедыме кок кешыр;
6 лончо: кугу тёрко гоч колтымо кум муно;
7 лончо: терко гоч колтымо пеҥгыде сыр.
Салатым ӱмбачынже гранат пырче дене сӧрастарыман.


салат 8 Марта8 Март

Кӱлеш: 300 г консервироватлыме шампиньон, шолтымо чыве шыл, шолтымо ик кешыр да ныл муно, 1 вуй шоган, 100 г чернослив, 7 кугу совла консервироватлыме кукуруз да тынарак консервироватлыме ужар пурса.
Кукуруз деч молыжым чыла пырля варен, там почеш шинчалым да майонезым ешарен пудыратыман да 8 цифр семын тарелкыш оптыман. Вара ты цифр ӱмбак кукурузым оптен лекман. Салат нарынче тӱсан лиеш. Ӱмбалжым муно гыч ыштыме пеледыш да ужар шоган дене сӧрастараш лиеш.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: