"Рубрик деч посна", 2016 ий, Пургыж тылзын 5-ше кечыже

XV съездыште — Марий Эл гыч делегат-влак

Статьян авторжо редактор

DSCN2624Москваште, ВДНХ-ште, «Единый Россий» партийын XV съездше эрта. Делегат семын Марий Эл гыч партийын первичный отделенийлаж гыч — Светлана Гичкина, Козьмодемьянск оласе йоча садын воспитательже, Кужэҥер районысо Руш Шой йоча садын воспитательже Екатерина Андреева да Волжский районысо «Упшер ял шотан илем» муниципальный образованийын вуйлатышыже, шокшым ситарыме сеть участкыжын мастерже Николай Николаев – пашам ыштат.
Съезд кок кече шуйна. Икымше кечын Кугыжаныш Думын шымше созывышкыже сайлымашке депутатыш кандидат-влакым ойырымо шотышто партий кöргысö йÿклымашым эртарыме радамым лончылат, «Тазалык», «Туныктымо да шанче паша», «Бюджет да налог политике», промышленный, социальный, экономике да предпринимательстве, транспорт йодышла дене посна площадкылаште кутырат. Тыгак «Ялозанлыкым вияҥдымаш да яллаште социальный инфраструктурылан полшымаш» теме дене посна каҥашаш палемдыме. Погынышо-влак тургыжландарыше йодыш дене темлымашым ямдылышаш улыт.
Съездын тачысе пашаже ончыкыжым Россий калыкын илышыжым саемдаш полша манын ÿшаныме шуэш. Молан манаш гын, посна площадкылаште погынышо-влак (а тиде – элнан тÿрлö кундемлаж гыч мийыше делегат ден уна-влак) шке темлымашыштым, тÿрлö тургыжландарыше йодышым тарватен да каҥашымашке луктын кертыныт. Вашлиймаште Россий Федераций правительствын еҥже да министр-влак шукын лийыныт. Ялозанлык дене кылдалтше площадкыште, мутлан, РФ-н ялозанлык министрже Александр Ткачев выступатлен гына огыл, еҥ-влакын тиде але вес тарватыме чыла гаяк йодышым шканже кагазеш возен коден. Мый гын тидым тыге умылем: «ял гыч толшо-влакын» «ойгыштым» министр колын да ончыкыжым чыла тидын шотышто пашам утларак ворандарен колташ министерствын веле огыл, правительствын еҥже-влакымат «тарвата». Еҥ-влак фермер озанлык шотыштат, яллаште телым корным лум деч эрыктыме да моло йодышымат тарватеныт, эллан яндар да тамле кочкышым шке вий дене ситарен кертына манын, ÿшандарен ойленыт. Шуко темлымаш чынжымак Россий правительстве кÿкшытыштö лончылаш келшыше йоҥгалтын.
Икте куандара: съездым эртарыше-влак тÿҥ шотышто элнан тÿрлö кундемлаж гыч толшо-влакым «колышташ» чылажымат ыштеныт, увер-влакым пуымо годымат тÿҥ шотышто «регионал-влакын» ойыштым утларак шотыш налыныт. Кö сайтыште але моло вере уверым эскера гын, тидым вигак шижын кертеш.
Снимкылаште: Марий Эл гыч мийыше делегат ден ÿжмö еҥ-влак — съезд годым.
Э.Иманаевын фотожо.
IMG_08441 IMG_07841IMG_08321 IMG_08381

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: