"Кидмастар" рубрик, 2016 ий, Ӱярня тылзын 11-ше кечыже

Йӧратыме сомыл — пайрем гаяк

Статьян авторжо Татьяна Айтова

мебель4 мебель4мебель4мебель4Паша оксам веле огыл, куанымат кондышаш. Кидмастар Михаил Андреев йӧратыме сомылжым кажне кечын шукта, садлан шкенжым пиалан айдемылан шотла.

Михаил Андреев Килемар район Изи Памиіл ялыште шочын-кушкын. Чодыран кундем рвезын чоныштыжо пӱртӱс дек йӧратымашым ылыжтен. Миша ачаж дене пырля пу гыч тӱрлӧ арверым ышташ изинек тунемын. Ачан окна рамым, омсам ыштымыж годым эре пеленже шогылтын, изин-кугун мастарлыкым поген.  Икымше гана оксам 14 ияш улмыж годым ыштен налын. Тылеч вара ешышкыже кугыеҥ семынак тылзе еда манме гаяк пашадарым кондаш тӱҥалын.

Школ деч вара Йошкар-Оласе 8-ше №-ан училищыште плотниклан тунем лектын. Ик жап филенчатый омсам ыштымаште тыршен. Кызыт частный организацийыште – плотник. Миша мончалан кӱлшӧ тӱрлӧ арверым ямдыла. Яра жапыште родо-тукымлан, палыме-влаклан тӱрлӧ кугытан да узоран пӱкеным, ӱстелым, вургем сакалаш ишкым, теҥгылым ыштылеш. Мебельлан материалым шке ял  воктенысе пилораме гыч наледа.

«Пу гыч тӱрлӧ арверым ыштымем годым чонем юарла, — ойла рвезе. - Утларакшым шопке да писте дене пашам
ышташ келша. Шке кид дене ыштыме мебель кеч-кунамат чоным куандара. Адакшым тудо сылнын коеш да пӧрткӧргым сӧрастара, кужу жап чыта. Теве мебель6мӧҥгыштӧ мончалан чыла тӱрлӧ арверым шкак ыштенам».

Мастар еҥ шке пашажлан жапым огеш чамане гынат, чылажымат писын да сӧралын ышта. Теве, мутлан, табуреткым 20 минут жапыште ыштен мошта, а кугу теҥгылым ик шагатыште ямдылен шукта. Пашам ыштыме годым утларакше шке фантазийлан эҥерта, а южгунам интернетым кучылтеш.  Кызытеш монча да пӧрт арверым шагал огыл ыштен, нуным изирак складыште арала, изин-изин ужала.

«Илышыште кеч-момат шке вий, паша да тыршымаш дене ыштен налат гын веле, чон куана, — ойла кидмастар. – Ончыкшым шке бизнесым почаш шонымаш уло. Вий да мастарлык веле ситышт, налше еҥ садак лектеш».

Татьяна Айтова.

мебель4

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: