"Рубрик деч посна", 2016 ий, Ӱярня тылзын 4-ше кечыже

Муро семынак шарналта

Статьян авторжо Эльвира Терентьева

Марий Турек посёлкышто илыше Зайцевмытым шукын палат. 8 март вашеш Венера Галляметдиновна нерген (а тудым Николаевна ачалӱм дене палат, тунемше-влаклан каласаш неле манын вашталтен) “Пелашда дене кузе палыме лийында? Могайрак ава, пелаш да озавате улмыж нерген каласкалыза” манмемлан Валентин Викторович моткоч кужун да моторын каласкалыш. Мут – тудлан.

венера5

Кузе палыме лийынна?

- Ыле август. Марий Пыламарий школышкына Оршанке педколледжым тунем пытарыше кок самырык туныктышо толын. Сергей йолташем дене тунам воспитательлан пашам ыштенна, мыйже армий гыч толынам да пашам тӱҥалынам веле. Ик педагогшо, Венера Галляметдиновна, школын старший пионервожатыйже да музыкым туныктышо лиеш. Сандене коридорышто баян почеш палыме муро сем-влак чӱчкыдынак йоҥгалтыныт. А палыдыме сылне семым колмеке, тудым колышташ пионер комнатыш лӱмынак пуренам. Вара пален налынам: ты ӱдырын тукымыштыжо чыланат гармоньым шоктеныт. Венера деч йодынам: “Муралте, пожалысте, тиде мурым”. Тунам пӧлем мучко лирике шӱлышан муро шергылтын, а мутшо чонышкем логалын. Тыге “Ой, молан Мишканыш мийышым гын мый…” мурым йӧратен шындышым. А варажым, Марий Пыламарийыште концерт дене туныктышо коллективын выступатлымыж годым, ме сценыште ты мурым коктын муренна, “бис” дене вашлийше-влакат лийыныт. Ты эрвелмарий семым шуйдарымыж годым шочмо Пошкырт кундемысе ешыжым сагына манын пален омыл.

Мый ты села деч вич меҥге тораште иленам да икана Сергей йолташем деч “Тиде ӱдыр деч посна кодын кертат” манмым колынам. Сандене кажне кастене, уда игечым ончыде, ӱдыр деке свиданийыш вашкенам. Икмыняр жап гыч марлан лекташ темлышым.

зайцевы

Сӱаным У ий вашеш ыштышна. Тусо жапыште шкешотан ыле: сӱан пытымеке, ачам чомам кычкен пуыш, а ме, имне терыш шинчын, Меркуши гыч Сенде шумеш (вич меҥге лиеш) гармоньчым ужатышна. Тиде нигунамат огеш мондалт: телымсе чодыра, пӱгыштӧ — оҥгыр йӱк, гармоньчо марий семым шокта, мый имньым поктем, а Венера шӱшан тулупым чиен, мурым шуйдара, коклан чома ломыжалтен колта…

УМБАКЫЖЕ «КУГАРНЯ» газетын 4 мартысе номерыштыже лудса.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: