"Рубрик деч посна", 2016 ий, Ӱярня тылзын 11-ше кечыже

Нунын мебельышт чапле да шулдырак

Статьян авторжо Ирина Степанова

CIMG0731“Амарис” фирме Йошкар-Олаште Быт пӧртын кокымшо пачашыштыже верланен. Йошкар Армий урем могырым омса гыч пурымеке, кокымшо пачашыш кӱзыман да пурлашкыла коридор дене ошкылман.
CIMG0352

Йошкар-Олаште мебельым 12 ий наре ыштыше “Амарис” фильмым марий-влак шукын палат. Ты фирмыште ятыр марий еҥ шкаланже тӱрлӧ мебельым заказатлен, очыни. Ольга Борисовна деке артист, мурызо, журналист да тыглай пашазе-влакат толаш тыршат, вет тудо кажне еҥ дене эн ондак марла кутыра, тыгак кажныжын тыланымашыжым, ойжым шотыш налеш. Южгунам скидкым ышта да, мебельлан оксам процент деч посна кум-ныл тылзе тӱлаш лиеш.

Ольга ден Виталий Аптышевмыт Свердловск область гыч улыт. Ондак Набережный Челна Олаште иленыт да пашам ыштеныт. Вара Йошкар-Олашке кусненыт. Тыште-тушто пашам ыштен ончымеке, вате-марий шке фирмыштым почаш шонен пыштеныт. Кызыт нунын дене опытан дизайнер да пашазе-влак тыршат.
Нуно корпусный мебельым ямдылат. Тыште тӱрлӧ материал гыч (ЛДСП, матовый да йылгыжше ПВХ, пластик, чиялтыме фасад гыч) кухньым, тыгак стенкым, прихожийым, кроватьым, компьютерлан ӱстелым ямдылат. Тыгак кевытлашке витрине-влакым, йочасадлашке тӱрлӧ мебельым заказатлаш лиеш. Мебельым мӧҥгӧ марте намиен, поген пуат. Шукын нунын сатушт нерген поро шомакым гына ойлат, Аптышевмытлан тауштат.
“Кызыт чыла материаллан, мебель фурнитурылан ак кушкын, но ме шергештарен огынал, тугаяк кодаш тыршенна. Вет кризислан кӧра калыкын оксаже шагал”, — ойла Ольга Борисовна. Теве кодшо гана нунын деке ик марий ӱдырамаш толын да чапле кухньым заказатлен. Шотлен лукмеке, “Ой, пеш шерге вет” манын ӧрын колтен. Тунам Ольга Борисовна тудым лӱмын вес тыгаяк фирмыш наҥгаен да тыгаяк материал гыч ыштыме кухньым шотлыктен. Тушто 20 000 теҥгелан шергырак лектын. “Тунам веле саде ӱдырамаш мыланем ӱшаныш”, — воштыл ойла Ольга Борисовна.
Ольга ден Виталий Аптышевмытын шке ыштыме кок пачашан чапле пӧртыштымат шке ыштыме мебельышт сӧрастарат. Чынжымак нуно пеш мотор койыт да тачысе жаплан келшен толыт. Ты пӧртыш пурымеке, чонет кана да шинчат куана.
Тыйынат мебелет уке гын, тол “Амарис” фирмыш!
CIMG0056
Ирина Степанова. мебель12
CIMG1699

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: