"Сылнымут алан" рубрик, 2016 ий, Ӱярня тылзын 18-ше кечыже

Шарналтем йоча годымсо жапым

Статьян авторжо Анастасия Эманова

***

Шарналтем йоча годымсо жапым,

Чарайолын куржталме тунам.

Икте-весым ваш-ваш кычкыралын,

Модмо верыш вашкенна тӱшкан.

Кажне кечын иктеш погынен, ме

Мунчалтенна, куржталме пырля.

Ойырлаш вуйышкат пурен огыл.

Да кузе? Вет пырля весела!

Теле шыжым поктен, шошо – телым.

Ий-влак писын эртат, мом ойлаш.

Да пустаҥын мемнан модмо верна,

Нигӧ ок лек тушко модаш.

Ну, а ме, йолташ-влак, шаланенна,

Келшымашна жапеш лунчырген,

Ужына ме ваш-ваш пеш чот чӱдын,

Тунамжат “салам” ден серлаген…

Шарналтем йоча годымсо жапым,

Чарайолын куржталме тунам…

Лектынам мый мемнан модмо верыш,

А шеҥгелне шоктыш “салам”…

Андрей Эманов, Морко район.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: