"Увер" рубрик, 2016 ий, Ӱярня тылзын 18-ше кечыже

Статьян авторжо Светлана Кушакова

УФСИН

Колым кученыт

Уголовно-испонительный системын пашаеҥже-влак шке профессиональный пайремыштым колым кучен пайремленыт.

Турнирыште 37 еҥ таҥасен.

“Икымше поч” номинацийыште икымше колым 3-шо №-ан исправительный колонийын пашаеҥже А.Семенов луктын . Тудак таҥасымаш мучашлан килограмм утла колым кучен да “Командир полка” номинацийыштат сеҥыше лийын. Командный зачетыштат напарникшым ончыл верыш лукташ полшен. Кокымшо верым управленийын командыже налын. Кушмыш Йошкар-Оласе СИЗО лектын. Тыгак эн кугу да эн изи колым кучышым, эн шуко ийым шӱтышым палемдыме.

Акций

Шке надырым пышташ лиеш

14-25 мартыште республикыште “Сообщи, где торгуют смертью” наркотик ваштареш кучедалме акций эрта.

Тудын шонымашыже обществым наркопреступлений-влак ваштареш кучедалмашке ушаш, наркотик дене аяргыше-влаклан эмлалтме шотышто полышым пуаш, правам аралыше орган-влакын ты шотышто пашаштым саемдаш.

Наркотикым ужалыме, кучылтмо, наркопритоным кучымо да наркотик дене кылдалтше моло преступленийым пален налында гын, «ӱшан» телефоныш Йошкар-Олаште (8362) 42-97-50, 63-80-72, Волжскышто (83631) 6-17-92 йыҥгырташ лиеш. “Ӱшан” телефон-влак пашам ыштат:

45-21-63 – республикысе наркологий диспансер;

42-13-13 – калыклан психолого-педагогический полышым пуышо “Доверие” рӱдер;

63-24-20 – СПИД да моло пижедылше чер ваштареш кучедалше республикысе рӱдер

Кримувер

Шочмын 14 мартыште Печать пӧртыштӧ ик ӱдырамашым кӱзӧ дене шуралтеныт, кӱзӧ кидышкыже логалын. Ончычсо марийже ватыжым лӱдыкташ шонен. Ӱдырамашын палемдымыж почеш, тудо кызыт келшыме пӧръеҥжымат йолташыж-влак дене кырен.

Звенигово районысо Кужмара селаште МАЗ автомашина гыч аккумуляторым шолыштыныт. Звенигово олаште илыше 20 да 21 ияш рвезе-влакым писын муыныт. Пале лийын: Чакмарий ялыштат тыгаяк осал пашам ыштеныт.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: