""Кугарня" газетлан - 25 ий" рубрик, 2016 ий, Вӱдшор тылзын 22-шо кечыже

Выльыпсолаште вашлиймаш

Статьян авторжо Светлана Кушакова

20 апрельыште “Кугарня” газет редакцийын пашаеҥже-влак да Росреестрын Звенигово районысо пӧлкажын вуйлатышыже Л.Лисова ден тӱҥ специалист-эксперт М.Визендорф, юрист А.Инородцев Звенигово районысо Выльыпсола ялыште калык дене вашлийыныт.

Звенигово1Ик шагат жапыште тӱрлӧ йодышлан вашештеныт. Утларак йодыш юрист деке лийын. Пӧртым, пачерым приватизироватлыме, наследство, кредит, пенсий шотышто йодыштыныт. Росреестрын специалистше-влак деке мландым регистрироватлыме йодыш дене толыныт.

DSC_2103Приемыш толшо чыла еҥын йодышыштлан марий йылме дене сайын умылтарен вашештыме. Южыжлан газет лаштык гыч угыч кумданрак умылтараш сӧрымӧ. Толшо-влак прием деч вара поро шомакым каласеныт. Шочмо йылме дене специалист-влакын умылтарен каласымыштым умылаш куштылгырак лийын. Марий йылме дене тыгай приемым эртараш умбакыжат шонена. Прием эртыме нерген ончылгоч увертараш тӱҥалына.

DSC_2115Прием деч вара школ сценыште сылне сем йоҥген. Йоча-влаклан изирак концертым Р.Алексеев да тудын кок эргыже: Кирилл ден Иван — ончыктеныт. “Кугарня” газетын тӱҥ редакторжо Э.Иманаев газет паша нерген каласкален. Фотокорреспондент И.Речкин фотографын пашаж деке йоча-влакым шӱмаҥден.

Выльыпсола школ кугу, кумда да волгыдо. Но улыжат тушто витле наре йоча веле тунемеш. Тыгай кугу школлан пеш шагал. Тидыже мемнамат изиш шӱлыкаҥдарыш.

DSC_2064 DSC_2125

DSC_2058

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: