"Кугарнян кастене" рубрик, 2016 ий, Вӱдшор тылзын 15-ше кечыже

Ечызе, биатлонист да делегат

Статьян авторжо Светлана Кушакова

Палыме ечызе, биатлонист Паралимпийский модмашын чемпионжо Кирилл Михайлов 1983 ий апрельыште Пошкырт кундем Мишкан район Монар  селаште шочын.

михайловКириллын ешыштыже чыланат спорт деке шӱман лийыныт. Рвезат нунын деч ӧрдыжеш кодын огыл. Ондак районын, вара республикын чапыштым ече дене таҥасымаште арален. Юниор-влак коклаште ныл гана Башкортостанын чемпионжо лийын. Но 10-шо классыште тунеммыж годым мотоцикл дене аварийыш логалын, нелын сусырген. Ешыште рвезе ече ӱмбак тетла огеш шогал манын шоненыт. Но йоҥылыш лийыныт. 2005 ийыште ече дене куржталмаште Россий спорт мастер лӱмым налын. Паралимпийский команде сборныйыш логалеш. 2006 ийыште Италийысе Турин олаште 20 меҥгым куржталмаште шӧртньӧ медальым сеҥен налын. А 2010 ийыште Ванкуверыште кум шӧртньӧ да кок ший медаль-влак дене палемдалтеш. Кызыт Российын сулло спорт мастерже, ятыр орденже уло.Кирилл ден Лада пелашыжын кок эргышт уло. Михайлов Марий калыкын луымшо погынышкыжо Пошкырт кундем гыч делегатлан сайлалтын, но толын огеш керт. Москошко чемпион-влакын фестивальышкышт кудалеш.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: