"Илыш йогын" рубрик, 2016 ий, Вӱдшор тылзын 22-шо кечыже

Марий йылме вияҥшаш

Статьян авторжо Ирина Ямбаршева

18 апрельыште Марий Эл Республикым вуйлатыше Л.Маркелов у Марий Оньыжа Э.Александров дене вашлийын. Мутланымаште правительстве председательын алмаштышыже, тӱвыра, печать да национальность паша шотышто министр М.Васютин лийын.
Л.Маркелов у Оньыжалан правительстве, район вуйлатыше-влак, тӱвыра министерстве дене кутырен, ваш келшен пашам ышташ темлен. Тӱҥ шотышто марий йылмым вияҥдыме нерген ойленыт. Погынын резолюцийже дене келшышын, Марий Эл Республикын правительствыжлан марий йылмым кучылтмо аланым кумдаҥдаш темлыме. Тидлан кӧра Л.Маркелов «Марий Эл Республикыште культурно-массовый мероприятий-влакым организоватлыме да эртарыме годым кугыжаныш до моло йылме-влакым кучылтмо нерген положенийым пеҥгыдемдыме нерген» указым подписатлен. Тиде документ почеш, Российыште калыкын тӱшкан илыме верлаште мероприятийлам эртарыме годым руш да марий йылме-влак деч посна тусо калыкын йылмыжымат кучылташ лиеш. Мероприятий нерген афише, вывеске, стенд, баннер-влакым да молымат руш але марий йылме дене ямдылыман, тыгак вес калыкын йылмыжымат кучылташ лиеш. Но официальный еҥ ден делегаций-влакын участвоватлыме мероприятий-влак кугыжаныш йылме дене эртышаш улыт.
Лукмо тиде документ марий йылмым арален кодаш да вияҥден колташ, вес калыкынат йылме праважым илышыш шыҥдараш полшышаш.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: