"Ме марий улына" рубрик, 2016 ий, Вӱдшор тылзын 14-ше кечыже

Рӱдолан мер каҥашыже лийже!

Статьян авторжо редактор

Марий калык погын вашеш, 12 апрельыште, республикынан рӱдолаж деч делегат-влак дене Йошкар-Олан мэрже Е.Маслов ден рӱдолан депутат-влак погынымашыжын вуйлатышыже А.Принцев вашлийыныт.
Нуно эн ончычак олаштына марий шӱлышым шыҥдараш могай паша шукталтмым радамленыт, верысе калыкын тӱвыражым, йӱлажым арален, пойдарен, еҥ-влакым икояным ышташ тыршымым пашаштына тӱҥ задаче семын ончена маныныт. Мэр Е.Масловын ойлымыжо кугешнымашымат луктын кертеш. «Вес кугу олалашке мийыме годым мемнам моло калык семын огыл, а марий калыкын шочшыжо семын ончат, аклат», — мане.
Вашлиймаште вуйлатыше-влак калыклан полшаш, тудым колышташ ямде улмыштым палемденыт. Тидыже делегат-влак дене мутланымаш гычат шижалте. Ончыкыжым тыгай вашлиймашым чӱчкыдынрак эртараш, оласе мер каҥашым чумыраш гынат сай манше лийыч. Делегат-влакынат темлымашышт шуко лийын: «Марий Эл» газетын тӱҥ редакторжо А.Абдулов, мутлан, оласе ик уремым рӱдӧ марий газетым шочыктышо П.Глезденевын лӱмжӧ дене лӱмдымӧ йодышым тарватен, чапланыше поэтессе Мардан Рая Эшкинин уремым эрыкташ, сӧрастараш полшаш кӱлмым ойлен да молат.
Вашлиймаште Марий Эл правительстве председательын алмаштышыже, тӱвыра, печать да национальность паша шотышто министр М.Васютин, Оньыжа А.Иванов да молат лийыныт, тенийсе погынын ойыртемже нерген ойленыт.
Э.Иманаев.DSC_0121DSC_0163

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: