"Рубрик деч посна", 2016 ий, Вӱдшор тылзын 16-шо кечыже

Уто йодышым тарватыде…

Статьян авторжо редактор

Погынышто икмыняр еҥ политик йодышым тарваташ тӧчен, тӱрлӧ кундем гыч толшо-влак коклаште Марий Элыште «кузе чын илаш туныктен» ойлышат лийын. Но Пошкырт кундем, Бирск гыч делегат Д.Ибашев тидын шотышто тыгай ойым ойлыш: «Марий калык погын, Мер Каҥаш — политический партий огыл, кӧ политик йодышым тарватынеже — политический партийыш пураш темлем, тыгеат калыклан пайдам кондаш лиеш». Тидыже тыгак, очыни. Каҥашаш, иктешлымашым ышташ — решенийым лукташ — кӱлеш, а вара кучем вуйлатыше-влакланат «мом ышташ шонымынам» темлен кертына. Тыге калык ден кучем коклаште кыл ышталтеш, умылыдымашыжат шагалрак лиеш.
Погынышто «Вуйлатыме пашаште марий-влак уке улыт» манме ойлан тӱвыра, печать да национальность паша шотышто министр М.Васютинын мутшо ӱшандарышын йоҥгалте: «Тӱвыра, печать да национальность паша шотышто министерствыш пурышо 40 наре организаций кокла гыч утларакыштыже (чыла гаяк) вуйлатыше-влак марий улыт. Министрын алмаштышыже-влакат вес калык гыч огытыл».

Комментарий-влак:
  • Мыйын земляк Д.Ибашевын шояжэ (але йонылышыжо) тыштэ: кэрэк-мо кызыт политика гоч шукталтэш — здравоохраненийыштэ, образованийыштэ, гос. управленийыштэ, национальный развитий шотышто але моло вэрэ. Марий Погын национально тузланымаш шотышто политикым ок лончыло гын, то и пайдажэ укэ. А марийын проблемыжэ тидын шотышто — кужго пырня гай. Тидэ пырня проблемэ воктэнэ кэч-мыняр нолталаш кутырэн шогылташ лиеш, но рычагэт укэ гын, нолтал от кэрт. Х марий Погыныштат лач кутырэн шогылтмаш вэлэ лие. Марий ушэм пала, кузэ тидэ кужго пырня гай проблемым нолталаш лиеш, марий калыклан рычагым да оньыжалан В. Пектеевым тэмлыш. Марий Погын Марий ушэмым, Марий ушэмын ойжым да В. Пектеевым корандыш. Тугэжэ, делегатвлак рушыш савырнымаш дэнэ кэлшэныт. Вэт рычагэт укэ гын, кеч-мынярэ кутыро, садикте тыгай кужго да нэлэ пырням нолтал от кэрт. Икманаш, делегатвлакын торэшла пашаштым марий калыкын интересшым ужалымаш сэмын аклаш лиеш.

Комментарийым ешараш:

Войти с помощью: