"Рубрик деч посна", 2016 ий, Вӱдшор тылзын 15-ше кечыже

Х Марий калык погын

Статьян авторжо редактор

EmblemaЙошкар-Олаште 10 шагатлан Марий калыкын Х погынжо почылтын. Тудым Оньыжа Анатолий Николаевич Иванов почын. Погынын пашажым эртарен колташ мандат комиссийым, ревизионный комиссийым, шотлышо комиссийым, секретариатым сайлыме. Торжественно почмо деч вара Марий калык погын лӱмеш пурышо саламлымаш-влак йоҥгалтыныт: РФ Кугыжаныш Думын председательже С.Нарышкин деч серышым Кугыжаныш Думын депутатше Л.Яковлева лудын пуэн. Вара Марий Эл Кугыжаныш Погынын председательже Ю.Минаков, республикыште тӱҥ федеральный инспектор П.Логинов саламленыт.
Саламлымаш-влак умбакыже йоҥгалтыт: Татарстан, Чуваш, Башкортостан кундемла гыч толшо-влак да моло дечат.
Тылеч вара Оньыжа А.Иванов эртыме ныл ийыште Мер Каҥашын тыршымыж дене могай паша шукталтмым шке докладыштыже радамлен, марий калыкым умбакыжат пырля тыршен, келшен илаш йодын.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: