"Рубрик деч посна", 2016 ий, Ага тылзын 30-шо кечыже

Паша нергенат, вӱд воктенысе йӱксӧ гай мотор нергенат…

Статьян авторжо редактор

пресса27-29 майыште “Кичиер” санаторийыште республикысе журналист-влакын черетан фестивальышт эртен. Тушко Марий Элын тӱрлӧ кундемлаштыже тыршыше газет, радио, телевидений пашаеҥ-влак чумыргеныт, веселан каналтеныт.

(27-29 мая на очередной фестиваль собрались журналисты Республики Марий Эл на живописном берегу озера “Кичиер”, весело и задорно провели минувшие выходные.)

Фестивальым почмо годым Россий журналист ушемын Марий Элысе пӧлкажын председательже О.Старикова, республикысе печать да тӱшка коммуникаций управлений вуйлатыше В.Маркин, верысе администраций вуйлатыше, “Кичиер” санаторийын пашаеҥже саламленыт да, ик жаплан паша жапым монден, ласкан каналташ тыланеныт. Но журналист кушко миен лектеш гын, эре тушеч репортажым але уверым ыштышаш гын, пашам монден кертеш мо?! Кутыреныт, конешне, паша нергенат, рвезе-влакше — вӱд ӱмбалне сылнын ийын эртыше йӱксӧ гай моторын йӱштылшӧ да сер воктене кап-кылжым кечылан гына ырыкташ почшо ӱдыр-влак нергенат…
Тений фестиваль национальный темылан пӧлеклалтын ыле. Сандене шукынжо марий тувыр але вес калык вургемым чиен миен. Икымше кастенак чылан иквереш шогалын, тӱрлӧ калык куштымашым ончыктеныт, национальный ойыртемым ончыктышо шкешотан флеш-моб лийын. Кокымшо кечын марий телевиденийын пашаеҥже-влак кинозалыш чумыреныт ыле, Россий кино идалык дене кылдалтын, “Фильм о настоящем” проект почеш, республикынан тачысе илышыж дене палдарыше икмыняр видеосюжетым ончыктеныт. Вара М.Шкетан лӱмеш национальный драме театрын артисткыже, икмыняр фильмыште модшо актрисе Светлана Строганова дене вашлиймаш эртен.
Кок кече жапыште фестиваль куан шӱлыш дене, пеш писын эртен: ик жаплан чыла нелылыкым мондаш да пашаште ты каныш коклаште ешаралтше у вий дене тыршаш кумылым нӧлталын.
флеш-моб_нац.куштымаш2

IMG_1400

IMG_1387

IMG_1364

IMG_1342

IMG_1340

IMG_1327

IMG_1308

IMG_1323

вӱд воктене

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: