"Рубрик деч посна", 2016 ий, Пеледыш тылзын 27-ше кечыже

Йошкар-Олаште — шоу-концерт

Статьян авторжо редактор

“Кугарня” газетлан – 25 ий темме лӱмеш редакций пашаеҥ-влак
8 июльышто 17 шагатлан
Йошкар-Оласе Чарла кремльыште
шоу-концертым эртарат
“Кугарня” газет шке шочмо кечыжым лудшо-влак
да марий эстраде шӱдыр-влак дене пырля пайремла.

Программыште:

- тӱрлӧ модыш, конкурс
(тыштак “Кугарня” газет деч шарнымашан пӧлекым модын налаш лиеш);

- оҥай цирк-шоу – пайремын пагалыме да шергакан унаже -
“Сам себе режиссер” программыште ик гана веле огыл калыкым ӧрыктарыше, Россий кӱкшытан “Слабо?” конкурсышто кандаш гана сеҥыше трюкач, циркач — Игорь Игнатьев;

- гармонь сем почеш куштымаш;

- марий эстрадын шӱдыржӧ-влак дене – этнодискотеке.

Тиде кастенак газетлан возалтше-влак коклаште лотерей модыш эрта.

Самырык-влаклан лекше газетым рвезе тукым дене пырля кокла ийготанжат, илалшыжат лудыт. Сандене концертышке йоча, кугыеҥ дене пырля коча-ковамат вучат, чылалан оҥай касым пӧлеклаш сӧрат.
Билет ак: 150 теҥге.

Справке
Шочын: «Кугарня» газет 1991 ий 5 июль годсек лектеш.
Тичмаш лӱм: Марий Эл Республикысе “Кугарня” газет” кугыжаныш унитарный казна предприятий.
Тираж — 4200 экземпляр.
«Кугарня» газетым лудыт: Марий Эл, Пошкырт, Татарстан, Урал да Одо кундемлаште, Пермь, Угарман да моло вереат. Электрон йӧн дене Интернет-подписчик-влак вес элыштат улыт.
Икымше тӱҥ редактор — Александр Абдулов, кызыт «Марий Эл» газет редакцийым вуйлата.
Тӱҥ редакторлан тыгак ыштеныт: Иван Алексеев, Владимир Козлов, Юрий Соловьёв, Сергей Иванов, Лидия Семенова, Эрик Петров, Александр Петров, Михаил Матвеев.

2015 ий 1 октябрь гыч — «Кугарня» газет редакцийым Эдуард Иманаев вуйлата.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: