"Кузе илет, ялем?" рубрик, 2016 ий, Пеледыш тылзын 24-ше кечыже

Йӱр пучымыш

Статьян авторжо Татьяна Айтова

Татарстан кундем Йӱштӧ Памаш ялыште  тошто марий йӱлам моткоч пагалат. Теве кодшо кечылаште йӱр пучымыш кочмо йӱлам шуктеныт.

Ты шкешотан йӱла йӱрым ӱжаш полша, маныт. Палемдыме кече деч ончыч ялын эн илалше еҥже пӧрт еда тӱрлӧ шӱрашым поген коштын, кумалаш келшыше верым ойырен налын.

Эрдене ялысе калык эҥер воктене погынен. Мландыш солыкым шареныт, тушко кондымо надырым оптеныт.  Эн шоҥго еҥ, кажне суртын надыржым поген, посна атыш оптен. Вара пучымышым шолташ тӱҥалыныт. Кидым вӱд дене шӱалтен, кече ваштареш шогалыныт да кумалтыш шомакым пелештеныт. Кажне еҥ кондымо  надырын ужашыжым тулыш кышкен, «Кугу Ош Юмылан лийже» манын пелештен. Кокымшо надырым Кава-Юмылан пуэныт, йӱрым колташ йодыныт.

Эн кугу ийготан еҥ, пушеҥге воктеке оксам пыштен, тудым рокыш урен.

Вара, ял калык ӱмбак вӱдым шыжыктен,  йӱрым толаш йодын.

Пытартышлан чыланат йӱр пучымышым кочкыныт, эҥерыште йӱштылыныт.

Татьяна Айтова.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: