"Илыш мундыра" рубрик, 2016 ий, Пеледыш тылзын 24-ше кечыже

Кузе тӱткырак лияш?

Статьян авторжо Татьяна Айтова

Эргымлан 3 ий. Тудым тыршыше да тӱткº лияш кузе кумылаҥдыман?
Марина.
Йошкар-Ола.

Республикысе «Доверие» психологий да педагогике рӱдерын педагог-психологшо Т.В.Алексеева вашешта:
- Йочан тӱткылыкшым изинек вияҥдаш тыршыман. Эн тӱҥ правил – йоча дене жапын-жапын огыл, а кажне кечын пашам ыштыман. Йоча-влакым туныкташ модыш йӧн утларак келшен толеш. Мутлан, 2 ияш икшывылан тӱрлӧ модышым пуыман, вара могай тӱсан, форман, кугытан улмыж нерген каласкалыман. Ик жап гыч шкеж деч тидымак йодса.
Тунемме жаплан телевизорым, компьютерым, телефоным ºрдыжыш кораҥдыман але йӧршеш йӧртыман. Кеч-могай занятий деч вара йоча шке модышыжым верышкыже намиен оптышаш. Тиде дисциплиным саемдаш полша.
Школыш але йочасадыш коштшо икшыве-влаклан сӱретлаш, аппликацийым ышташ, пазлым, конструкторым погаш, пластилин дене ненчаш пайдале.
Кум ияш ньога-влак дене «Мо йомын?» модыш дене модын кертыда. Тидлан йоча ончыко 3-4 предметым пыштыза, кажныж нерген ойлыза. А ик жап гыч шинчажым петырыктыза да иктажшым кораҥдыза, мо укем йодса.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: