"Рубрик деч посна", 2016 ий, Сӱрем тылзын 1-ше кечыже

Йоча-влаклан оҥай мероприятий

Статьян авторжо Марина Богданова

Пеледыш пайрем жапыште тӱрлӧ конкурс, мероприятий-влак лийыныт. Нунын кокла гыч иктыже – «Йоча пагыт».

Тудым Марий тӱвыра рӱдер пеледыш9эртарен. Мероприятийышке тӱрлӧ ийготан йоча-влак участвоватленыт. Кум ияш йочамат ава пелен ужаш лийын. Нуным йомакысе персонаж-влак Рывыж, Агытан, Вуверкува, Кеҥеж куандареныт. Йоча-влакым пырля мурыктеныт, куштыктеныт. Сценыште «Шокто, гармонь» йоча образцовый ансамбль сылнын куштен. Тушто йоча-влакым кум командылан шелме. Ик командым Кеҥеж поген гын, весым – Агытан, а кумшым — Рывыж. Кажне команде, кудыжо эн сайын мура, икте-весышт дене таҥасен. Эн сай мурышо командылан пӧлекым кучыктымо. А эстафетыште йоча-влак писе да чулым улмыштым ончыктеныт. Вет могай гына таҥасымаш лийын огыл! Чинче дене сӧрастарыме мотор марий тувырышт дене икшыве-влак волгалтыныт. Пытартышлан эн мотор марий тувырым «Марий йоча вургем» конкурсышто палемдыме.

Икшыве-влакын юарлымыштым ӧрдыж гыч куанен ончет! Волгыдо шинчашт куан дене темше, шыргыжмышт дене кугыеҥ-влакын кумылыштым савырат.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: