""Кугарня" газетлан - 25 ий" рубрик, 2016 ий, Сӱрем тылзын 15-ше кечыже

«Мыланна — 25″

Статьян авторжо Ирина Ямбаршева

8 июльышто Йошкар-Олаште Чарла кремльыште «Кугарня» газетын 25 ияш лӱмгечыжлан пӧлеклалтше «Мыланна — 25″ шоу-концерт лийын. Концерт деч ончыч еҥ-влак тӱрлӧ конкурсышто участвоватленыт да тӱрлӧ пӧлекым сеҥен налыныт.
1ПайремЯковлева1 1Пайрем5«Кугарня» газетым да тудын лудшыжо-влакым саламлаш РФ Кугыжаныш Думын депутатше Лариса Яковлева толын. Тудо пӧлекым конден. «Кугарнян» 2010-2015 ийласе тӱҥ редакторжо М.Матвеев, Марий Эл Кугыжаныш Погын вуйлатышын алмаштышыже А.Иванов, гармоньчо А.Яйцов, РМЭ тӱвыра, печать да национальность паша шотышто министрын алмаштышыже В.Актанаев, «Кугарнян» тӱҥ редакторжо Э.Иманаев, «Кугарнян» 2004-2009 ийласе тӱҥ редакторжо А.Петров саламлыме шомакыштым ойленыт.
1Пайрем2 1Пайрем кугарняКасым Звенигово район гыч «Кужмара кундем» ансамбль, мурызо-влак Эльвира Токташева, Вадим Краснов, Анатолий Зарецких, Людмила Федорова, Светлана Ян, Татьяна Умурбаева, Лариса Сидоркина, Виктория Тихонова, Аделина Батаева да молат сӧрастареныт.
Анна Айглова чапле шовын шӱвыроҥ шоум ончыктен. Могай гына кугытан шӱвыроҥ ыш чоҥештыл! Йоча-влакат тудын кӧргышкӧ верештыч.
1Пайрем3Игорь Игнатьевын тул да цирк шоужым ончаш моткоч оҥай ыле. Кӱзым кӱшкӧ кышкыш да вуй дене кучыш, ик ораван велосипед дене кудалыште, тӧрштыльӧ да молат.
Одо кундем Каракулинский район Ныргында ял гыч А.В.Васильева газетнам эре лудеш. Ты пайремыш логалмыжлан пеш куанен. Тудлан дискым пӧлеклышна.
Жапын-жапын йӱр йӱрын каеден гынат, калык эстраде шӱдыр-влакын мурымышт почеш веселан куштен.
Пайрем касышкына, игечым ончыде, мемнам пагален толшо кажне еҥлан кугу таум каласена. Куандара: газетнам лудын шогеда. А тидыже мыланна утыр пашам ышташ кумылым луктеш. Лийза мемнан дене пырля, лудса, налза «Кугарням»!

1Пайрем91 1Пайрем11

1Пайрем10 1Пайрем94 1Пайрем95

1Пайрем96 1Пайрем97

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: