"Ме марий улына" рубрик, 2016 ий, Сӱрем тылзын 1-ше кечыже

Мыскарам калыкна йӧрата

Статьян авторжо Денис Очиев

пеледыш1217 шагатлан М.Шкетан лӱмеш кугыжаныш драме театр шеҥгелсе скверыште «Мыскараче-влаклан конкурс» тӱҥалын. Тудым «Кугарня» газет, М.Шкетан лӱмеш театр да «Марий Эл» ВГТРК эртареныт.

Тыгай конкурс Пеледыш пайремыште икымше гана веле эртаралтеш, садлан ончышо-влак моткоч шукын лийыныт. Олымбалат шичшыше-влакым чытен огыл — пудырген каен.

Мыскараче-влакым кок номинацийыште акленыт: профессионал артист-влак коклаште да тыглай мыскараче-влак коклаште. Сценыште оҥай монолог, сценке да муро-влак лийыныт.

Артист-влак коклаште I верыш «Кузе театр шочын» миниатюр дене Э.Яковлев, А.Тетерин, А.Иванов, М.Огнев да М.Александров лектыныт. II верыште — «Рушла-марла кутырымаш» монолог дене О.Кузьминых. III верыште — «Ди-джей МС ден Лё» диалог дене Э.Яковлев ден А.Сандаков.

Тыглай мыскараче-влак радамыште монологым ойлышо-влак сеҥеныт: I вер — Э.Егорова, II вер — В.Гаврилов, III вер — С.Карпов.

Ончаш толшо-влак конкурслан ямдылыме скверым моктеныт, тыште спектакльымат ончыкташ лиеш манын ойленыт.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: