"Улам мый Рве-зы-лык!" рубрик, 2016 ий, Сӱрем тылзын 1-ше кечыже

Трансформер ден Супермен ӧрыктареныт

Статьян авторжо Анастасия Эманова

24 июньышто Йошкар-Олаште Самырык-влакын кечыштым палемденна. Ты кечын тыгак выпускник-влакын пайремышт лийын. Оласе молодежный политике шотышто пӧлка тӱрлӧ оҥай площадкым ямдылен. Эн шуко мероприятий каныме паркыште эртаралтын.

Тиде кечын уста коллектив-влак куштымаш, мурымаш дене калыкым куандареныт. 13 шагатлан Кеҥеж эстрадыште “Здоровая зарядка – здравая подзарядка” акций лийын. Тушто “My Studio” творчество да хореографий студийын ӱдыр-рвезыже-влак йоча-влаклан, кугурак ийготан еҥ-влаклан весела муро почеш зарядкым ыштыктеныт. Акцийым вӱдышӧ икшыве-шамычлан спорт дене кылдалтше йодыш-влакым пуэден. Чын вашмутым ойлышылан ручкам кучыктен. FJHz1kcnNiE

Изижге-кугужге, латым чиен, керде дене кучедал онченыт. Кокла курымласе кучедалмаш дене мастер-классым “Волжский путь”, “Мидгард” исторический реконструкций клуб-влак да “Ушкуй” военно-исторический клубын участникше-влак ончыктеныт. “Рыцарь-влак” дене войзалташ кумылан-влак шукын лийыныт.

Тылеч посна ЗОЖ площадкыште ӱдыр-рвезе-влак, вӱрыштӧ алкоголь уровеньым палаш манын, тестым эртеныт да “табак” ден “наркотик” возыман таблицым шалатен кертыныт.

Чавайн бульварыште “Самырык этножурналист” акций оҥай лийын. “Арслан” этноку_tY55HL-J44льтурный интернет-журналын баннерже воктене кумылан чыла еҥ войзалт кертын. Фото-влакым журналын сайтыштыже ужаш лиеш.

Кидпаша ярмиҥга мыланем поснак келшен. Тыште флористике, декупаж, кумыж гыч ыштыме паша-влак оҥай улыт. Шуко паша национальный орнамент дене куандарен. Ярмиҥгаш школыш коштшо ӱдыр-влакат ушненыт. Шке гыч ыштыме кидшолым, сӱретым луктыныт.

17 шагатат пеле гыч 22 шагат марте Патриарший площадьыште пайрем умбакыже гӱжлен. Самырык-влакым саламлаш тушко Йошкар-Олан мэрже Евгений Маслов толын ыле.

“Византия” фитнес рӱдерын шоу-программыже, фаер-шоу, флешмоб, тӱрлӧ куштымаш-мурымаш калыкым куандареныт. Концерт годым кок метран Бамблби автобот да Супермен калык ончыко лектыныт. Трансформерым ПГТУ-н студентше-влак ыштеныт. Бамблби калыкым почешыже Волгатехын селфи-пырдыж воктекше наҥгаен. Тушто тудын дене пырля войзалташ кумылан-влак черетыште шогеныт.

Концерт пытышашеш ӱдыр-рвезе-влак кавашке шуко шарым колтеныт. А вара open air дискотеке лийын.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: