"Рубрик деч посна", 2016 ий, Сорла тылзын 26-шо кечыже

Кеҥеж тургымым иктешлен

Статьян авторжо редактор

25 августышто Марий Мер Каҥаш вуйверын погынымашыже лийын.

Эн ончычак Мер Каҥаш вуйверын да вуйвер исполкомын еҥже-влаклан 7-11 августышто эртыше Россий кÿкшытан VIII марий самырыктукым слёт нерген слётын ик организаторжо Эльвира Куклина каласкалыш.

Слётын пашажым кÿкшын аклышт, кӱлешлыкшым палемдышт. Слётым эртарыме кечым шукемдаш темлышат лийыныт. IX Марий самырыктукым слётым Килемар районысо Арда селаште эртараш палемдыме.

Вес йодыш шушаш шинчымаш кече дене кылдалте. Мер активист-влак 1 сентябрьыште, могай школыш миен, йоча ден тунемше-влакым саламлат – тиде радамым палемдышт. Тыгак Марий Эл Республикым вуйлатыше Леониид Маркеловын «Об утверждении Положения об использовании государственных языков Республики Марий Эл и иных языков при организации и проведении культурно-массовых мероприятий в Республике Марий Эл» Указшым (89-ше №, 2016 ий 19 апрель) шотыш налын, школлаште Шинчымаш кече дене кылдалтше тÿшка пайремым марий йылме дене эртараш кÿлмö нерген иктешлышт. Тидым школлаште ойлыман да кузе шуктымыштым шекланен шогыман. Палемдыман, Мариий Эл вуйлатышын Пунчалжым шукташ манын, республикысе туныктыш да шанче министерстве приказымат ыштен.

Тидын нерген ойлымо годым Калыкле президент школ-интернатым вуйлатыше Лидия Иксанова ты тунемме верыште Шинчымаш кечым олыкмарла да курыкмарла вÿдаш кутырен келшыме нерген ойлыш.

1 сентябрьыште Марий калык конгрессын енже Виктор Наумов «Ямде лий» газет да «Ончыко» журнал редакций дене пырля У Торъял районысо школлашке лектеш. Тудо икмыняр школыштто нине газет ден журналлан подпискым ышташ полшаш сöрыш.

Вуйвер погынымаште Мер Каҥашын кумшо кварталысе паша радамжым ончен лектыч. Сентябрьыште вуйвер погынымаш Курыкмарий районышто лмер канашиеш.

Автор: Эльвира Куклина.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: