"Рубрик деч посна", 2016 ий, Сорла тылзын 19-ше кечыже

Сайлымаш вашеш агитаций жап тӱҥалын

Статьян авторжо Светлана Кушакова

14 августышто Россий ЦИК, регионласе сайлыме комиссий-влак шымше созыв Кугыжаныш Думыш депутатлан кандидат-влакым регистрироватлыме пашам иктешленыт.Чылаже 24 гыч 22 политический партий сайлымашлан регистрироватлалташ документым конден. Тушеч 14 политический партий федеральный спискыш логалын.

12 августышто эртарыме шерева почеш, политический партий-влак бюллетеньыште тыгай радам дене вераҥдалтыт:

  1. Российысе «Родина» политический партий.
  2. «Коммунисты России» коммунистический партий
  3. «Российская партия пенсионеров за справедливость» политический партий
  4. Российысе «Единый Россий» политический партий
  5. Российысе «Зеленые» экологический партий» политический партий
  6. «Гражданская платформа» политический партий
  7. ЛДПР — Российысе либерально-демократический партий
  8. «Партия народной свободы» политический партий («Парнас»)
  9. Российысе «Партия Роста» политический партий
  10. Российысе «Гражданская сила» политический партий мер организаций
  11. Российысе «Яблоко» объединенный демократический партий
  12. КПРФ
  13. «Патриоты России» политический партий
  14. «Справедливый Россий» политический партий

Сайлымашлан ямдылалтме паша 2014 ий 22 февральыште лукмо «О выборах депутатов Государственной Думы Федерального Собрания Российской Федерации» закон дене келшышын эртаралтеш.

Марий Элысе ЦИК 22-шо №-ан ик мандатан сайлыме округышто шымше созыв Кугыжаныш Думыш депутатлан 11 кандидатым регистрироватлен.Тушеч 9 политический партий деч, кокытын шке кумылын сайлымашке ушненыт.

  1. Казанков Сергей Иванович, КПРФ
  2. Федоров Альберт Иванович, ЛДПР

3.Смышляев Андрей Александрович, «Гражданская платформа» политический партий

4.Глущенко Наталия Владимировна, «Справедливый Россий» политический партий

5.Уланова Екатерина Валентиновна, Российысе «Яблоко» объединенный демократический партий

6.Яковлева Лариса Николаевна, Российысе «Единый Россий» политический партий

7.Шпарбер Денис Викторович, «Коммунисты России» коммунистический партий

8. Зонов Юрий Александрович, Российысе «Зеленые» экологический партий» политический партий

9.Золотухин Роман Владимирович, Российысе «Родина» политический партий

10. Казаков Олег Александрович, самовыдвиженец

11. Шмелев Юрий Геннадьевич, самовыдвиженец

20 августышто СМИ-лаште агитационный жап тӱҥалеш.

Политический партий ден кандидат-влаклан сайлыше-влак дене вашлияш лӱмын помещений-влакым ойырымо. Сайлыме участкылаште агитаций материалым вераҥдаш верым ямдылыме. Ныл телерадиоканал сайлымаш деч ончычсо агитацийлан 600 минут эфир жапым, периодический печатный изданий-влакын чумыр кугытышт гыч 10 процент печать площадьым ойырат.

3 август гыч 6 сентябрь марте верысе сайлыме комиссийлаште открепительный удостоверенийым пуэдаш тӱҥалме. Чылаже кызытеш 190-м пуымо. Нуным 7-17 сентябрь марте участковый сайлыме комиссийлаште налаш лиеш.

Республикыште 531 сайлыме участкым ыштыме, тушеч кудытшо — эмлымверлаште, икте – СИЗО-што. Йошкар-Олаште 38 сайлыме участке пашам ышташ тӱҥалеш. Тушто электронный голосований комплекс шыҥдаралтеш.

Илыме вер почеш регистрироватлалтдыме еҥ-влакат сайлен кертыт. Сайлымаш деч кум тылзе ончыч илыме вер почеш регистрироватлалтше еҥ-влакымат сайлыше-влак спискыш пуртымо. Спискыште уке улыда гын, 19 июль гыч 27 август марте тидын шотышто йодмашым возаш лиеш.

Федеральный сайлыме округ почеш 551400, ик мандатан сайлыме округ почеш 551400 бюллетеньым рушла, тыгак олыкмарла да курыкмарла ямдылыме. Начар колшо да соҥгыра-влаклан 9 сайлыме участкым йӧнештарыме: 6 – Йошкар-Олаште, 2 – Волжскышто, 1- Козьмодемьянсыкште. Нунын дене сурдопереводчик-влак пашам ыштат. 108 сайлыме участкыште Брайль шрифт дене возымо бюллетень лиеш.

Марий Эл ЦИК сайлыме законодательствым пудыртымо шотышто вуйшиймашым онча. Кызытеш 47 вуйшиймаш пурен. Нуно агитаций материалым шаркалыме дене кылдалтыныт. Сайлыше-влак (8362)56-56-03 телефон дене «шокшо линийыш» йыҥгыртен кертыт.

Марий Эл ЦИК-ын официальный сайтшын «Единый день голосования 18 сентября 2016 года выборы депутатов ГД ФС РФ VII созыва» рубрикыштыже политический партий, кандидат да сайлыме процессын моло участникше-влак кӱлеш информацийым муын кертыт.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: